كل عام وانتم بخير يا بني عزيز

بسم الله الرحمن الرحيم
احدى القصائد التي اعجبتني واعجبني قايلها
ياصاحبي لاتشتكي حظك الشين
غيرك همومه موت ماهي بسهله
تعال نشوف غزت فلسطين
هذا الذي ودك تفيز لأجله
الشعب يصرخ واليهودي له يهين
وان ماخضعله زاد ترهيب بأهله
يصيح للفزعه ولامن ملبين
الكل وقت الصدق صد وتخله
ماكننا في وقت ناس مصلين
مسلم يموت ولا لقا اللي فزعله
والطيب اللي بيننا قايل آمين
وخايف من الوالي يجيه ويتله
واللي فزع سموه ارهابي الدين
كن اليهودي مابه ارهاب فعله
ماهي مصالح قولو الخوف هالحين
ماشفت فينا منهوالسيف سله
عرب عرب بس بالملذات لاهين
ووقت القيامه ماحدن قد حسبله
اليوم طفله وأمس شايب وبنتين
يدرون فيهم ماحد يقول لله
لو اليهودي جرحه اليوم جرحين
كلن يجي منهم يجي يعتذرله
أنذمهم وان جونا أهلا وسهلين
ومرات ولكم ياهل الطيب كله
لا تشتكي من حظك وترتجي لين
والله ياحظك مابه ايات عله
ومن يشتكي خله يشوف المساكين
بيقول حظي حلو مافيه مثله

القصيده لشاعر اظنه كويتي من اللهجه اسمه:- محمد الوهبي
ملاحظة:- القصيدة بها كسور كثيره لكن جميله ومعبره حاولت على قدر المستطاع تنقيحها
حتى اعتمدت تبديل بعض الجمل والكلمات حتى تصبح بهالصوره أرجو منه المعذره