مدح مطير مما راق لي

هذا القصيدة اعجبتني وحبيت تشاركوني فيها ولا اعلم قايلها ولكن اعتقد انها

لعبيد البديري المطيري

البارحه فالثلث الأول من الليل = دعتني أجزال القصايد وجيتها

وكتبتها والشطر الأول على أيل = وفي شطرها الثاني كتبته على أيتها

وحشمتها عن صاقط القال والقيل = مثل الذهب من نبع فكري نقيتها

نوادر(ن) ماجابها بارد الحيل = ماصاغ معناها ولا صاغ بيتها

كتبتها وللمجد فيها تفاصيل = ومن طيب حمران النواظر عطيتها

وسرّيتها وأمجاد ربعي مداهيل = دعتني الأمجاد مدري دعيتها

كتبتها فالرمح والسيف والخيل = والحرب وأرجال(ن) تزامى بصيتها

نظمتها في مدح قوم(ن) مشاكيل = مطير ربعي عزوتي لا نخيتها

أهل السيوف المرهفات المصاقيل = عدوانهم ماتهتني في مبيتها

ربعي حمات الذود قوم(ن) حلاحيل = قصة صلاطين الوغا ماوفيتها

المعجزات ألهم توثّق بتسجيل = في صفحة التاريخ سيره قريتها

متوارثين المجد جيل(ن) بعد جيل = أمجادهم ماتنتهي لو بديتها

ربعي ذخر سود الليال المقابيل = والماضيات بطيبهم مانسيتها

فيهم كرم مثل المزون الهماليل = قبيلة(ن) تلقاء الكرم لا نصيتها

ستر الهنوف أم الرموش المظاليل = هيبة مطير أتشوفها لا رئيتها

الله منزلهم مع الحق تنزيل = هاذي أعلوم الصدق ياللي بغيتها

ماهمهم هرج الرخوم المهابيل = اللي ضمن حزب الهوامش لقيتها

كدوش(ن) على الخيبه تجر المواويل = جلايب(ن) لو بعتها ماشريتها

توافه(ن) كبروا وعاشوا مباديل = قصة توافه تافهه لو رويتها

ولا والذي نزل تبارك والأنجيل = أفعول ربعي كلها ماحصيتها



منقووول

يعطيك العافيه
صح لسان شاعرها
ومطير تستاهل المدح واكثر
تقبل مروري

شـكــ وبارك الله فيك ـــرا لك ... لك مني أجمل تحية .
صح لسان شاعرها

مشكور على النقل

ومايحتاج

حنا مطران نار وبركان

للجميع شكرا نورتم متصفحي

ستر الهنوف أم الرموش المظاليل = هيبة مطير أتشوفها لا رئيتها

الله منزلهم مع الحق تنزيل = هاذي أعلوم الصدق ياللي بغيتها


تسلم اخي تركي سعود
اسجل اعجابي بشخصك
والله يوفقك انشاالله
تقبل تحياتي

هلا ابو مريزيق

الشعور متبادل وعسانا عند حسن الظن

شرفني مرورك

صح لسان عبيد
وتسلملي ياتركي