قصيدتين رثاء أم مسند نعيمان المطيري في أخوانها

مرثية بنت عايض في اخوانها

يالله أعني يامولاي الفرد الصمود == فارج الكربات والامر كله في يديه
شيل عني مابروحي يامولاي الودود == والله انه حمل الروح حملا ما قواه
الله الي خابره والله الي في الوجود == كل ما يمشي على الارض هذي ما خفاه
اه يوم القلب شبت به النار الوقود == طفها يا منزل الغيث يالرب الاله
يوم عيت ترقد العين والعالم رقود == بس تسري في التخيل ورى ذاك وهذاه
واخواني حربة العز مزبان الشرود == يذبحون الحيل يوم الردي ضيفه جفاه
بالظفر و الصدق والطيب وافين العهود == بالشجاعة كل من قال له قولن حماه
مكرمين الضيف والجار مافيهم حكود == أهل المعروف والطيب عاطبين الرماه
من يصافيهم على الطيب ما هم له جحود == ومن يعاندهم من السم يسقونه دواه
يالله للتفتح لهم باب جنات الخلود == وانت الي تفتح الباب والقادر عليه
الشكر للي سترني ما بيح بالسدود == يوم جت الضربه اللي تودي للوفاه
اه من شي(ن) مضالي لعله مايعود == والله أنه يرعب القلب ويقطع عراه
ووجودي كل مطرو عليه واوجود == وجد طرقي عط الال ويموت بضماه
وجد من خلا غناته علاها ما يعود == راح بقشر حال والله بلا ذنب رماه
يحسبنه درب خيره وهو درب النكود == الضباع الشهب وأعوانها تقلب عليه





قصيدة بنت عايض وألمها على اخونها


لعل المدينه للحيا وأبرك الامطار == كبن الحبايب كلهم هاجرو فيها
لا لاي اتدله واتلهى مع الاشعار == وأفرق هموم القلب والنفس الهيها
غدى القلب كنه بنة محرقة بالنار == حمسها غشيم(ن) غافل(ن) ما التفت فيها
اليا جيت اعذ له زاد مابه علي وفار == كما الدله اللي طول القز راعيها
على اخويه اللي يذبح الحيل للخطار == ونفسه على فعل الشجاعة مضريها
حبيب القرايب يوم يلفون والزوار == تضاحك عيونه للقرايب ويغليها
اليا جاه مشحون من الضيق ضيقه طار == دخل فالسرور وشحنة الضيق يرميها
لا لا جاري الطيب رزقني به الجبار == مضت لي مهالك واغرقتني بلاويها
هاذ فضل ربي عالم الجهر والاسرار == مضت لي مشاكل غير لله ما اشكيها
وسيع الكنايف يفتح الباب للمحتار == اليا صكت أبواب البشر ليش يرقيها
فتحله طريقه فيه يلقي سعه وانوار == يفتح له ابواب السعه لين يعطيها
لتغفر ذنوبي وانت الخالص الغفار == يا غافر ذنوبا وانت المقتدر فيها



مع تحيات محمد المطيري (أبــــو ســــامـــــــي)

اخوي ابو سامي
صح نقلك وصح لسان الشاعره ام مسند
مرثيه حزينه الله يجبر صوابها ويرحم ميتها
اخوك
الطريس

مشكور اخوي الطريس على مرورك واللهم أمين

مشكور اخي ابوسامي

صح لسان الشاعره واطال الله في عمره ويرحم اخوانه


لعل المدينه للحيا وأبرك الامطار == كبن الحبايب كلهم هاجرو فيها
لا لاي اتدله واتلهى مع الاشعار == وأفرق هموم القلب والنفس الهيها

وتسلم يمينك ع النقل
وفيه قصيده ياليت تكملها لنااللي مطلعه

ياليت اخويه بعيدن بالدير ناحي
واسمع يطاريه لو طويق من دونه
تراه ضاري يعدي بالشفاء العالي
يرعى جوازن يحول العرج من دونه

يعطيك العافيه يابو سامي وانتظار تكملة القصيده
وتقبل تحياتي

صح لسان الشاعره والله يجبر صوابها

تسلم اخي محمد على الطرح الرائع

ابشر أخوي عبدالله ان شاء الله اجيبها عن قريب
ومشكورين كلكم على المرور

تسلم اخوي محمد

وصح لسان الشاعرة والله يجبر مصابها ويكون ذلك في ميزان حسناتها

تسلم أخوي أبو غادة ومشكور على مرورك يالغالي

عبدالله مريزيق البيتين هاذي ما هي لها

صح لسان الشاعره بنت عايض والله يجبر عزاها بأخوانها

وتسلم يمنك ياأبو سامي على طرح مثل هذه القصائد الجميله

ولاشك أننا نفتخر بشاعرات بني عزيز كمانفتخر بشعرائنا

وتقبل شكري لك وأملي في طرح الكثير من قصائدها فلاتحرمنا من ذالك