رسالة شوق

مما اعجبني،،، قصيدة بدر طالع الرهيف واهديها اليكم

أنا اقول واردد من الشعر والاحان= اخفف على روح المعنا بلاويها
أنا ما بدعت القاف لاعب ولا طربان=سببها مواقف حاصلة لي وابرويها
أنا من طباعي اكره الصد والهجران=اريد المعاني واضحة في مغازيها
أنا اشوف جول من الضبا وسطهن فتان=فرقهن بشكله كلها ما يباريها
عليها المواري واضحة قايد الغزلان=يحير المشاهد لن يوقف يراعيها
ويا ضبي جاوبني ترى صايدك ربحان=حريصٍ على نفسك من اخطار تمشيها
عطاك الحسن ربك ولا اشوف انا نقصان=من انسال شجعانٍ طويله يمانيها
وقفت بجواره قلت ياضبي انا شفقان=أمانه ترى حالي خطيره تهاويها
لك الله من نفسي واعاهد على الكتمان=ابسمع جوابك كان رجلي تقديها
توقف وطالعني وقال انتبه يافلان=احذرك نارٍ تحترق رجل واطيها
مشيت بتخطي قلت انا مبعد الحقران=من اسبابكم ياهيه لك الروح نهديها
تجي سالفه وامثال تحكى مع العربان=شهيد الهوى روحه رخصها لغاليها
ترى قيس له قصه على سالف الازمان=ومن وقت عصره لين هالحين نحكيها
حكمه الهوى خلا حياته تروح احزان=جريح المحبه مالقا من يداويها
يعبر الصحاري تايهٍ ما وجد مسكان=وكلٍ اذا مره يبيح خوافيها
مضى له زمانٍ حالته تؤسف الانسان=وقيل المثل مجنون ليلى يطريها
نبي نعتبر ياضبي ذي قصةٍ من شان=نتلافى الخطا اللي مانقع في محانيها
وانا شارحٍ لك وضع ماصار والا حان=لعلك تروف بروح منهو معنيها

سامحنا ياعالي الهمة نسقنا القصيدة ،،أخوك سمو الذات