الشــاعر/ عــويتق الصواني (الله يرحمه).. يثبت

انا سمعت بيت ويقال انه لعويتق رحمه الله ,والله اعلم وارجو من اللي يحفظ القصيده التعديل عليها
والبيت يقول
الا يالطيف الروح ليتك عطيته كف
يخبث على باله وانا ينشرح بالي
عما مايشوف الدرب جنه عليه ايلف
ويسوي عليك أقمار يالمشخص الغالي
*تنويه ارجو من الاعضاء او اللي يعرفو الشاعر التاكد من القصيده وتعديل الخطاء وتكملتها

ابا البنت وابغا الجيب والهاتف الجوال= وبا العافية من عند ربي وابا الجنة

هــم بيـتـي الــي عـــن المـلـهـاب اذريـبــه ***وهـم ربعـي اللـي علـي ألـحـاف واظـلالـي
والـــرأس مـــن بـعـدهــم زادت تنـاشـيـبـه ***والـعـيـن هـلــت غـزيــر الــدمــع هـمـالــي

***
الله يرحمه ويسكنه فسيح جناته
تسلم اخوي على النقل المميز

المشاركة الأصلية كتبت بواسطة عاشق الصحراء

انا سمعت بيت ويقال انه لعويتق رحمه الله ,والله اعلم وارجو من اللي يحفظ القصيده التعديل عليها
والبيت يقول
الا يالطيف الروح ليتك عطيته كف
يخبث على باله وانا ينشرح بالي
عما مايشوف الدرب جنه عليه ايلف
ويسوي عليك أقمار يالمشخص الغالي
*تنويه ارجو من الاعضاء او اللي يعرفو الشاعر التاكد من القصيده وتعديل الخطاء وتكملتها

اخوي عاشق الصحراء

حسب معلوماتي البسيطه ان هذه الابيات ماهي للشاعر عويتق

الظاهر انها للشاعر ساعد بن راضي الونيس اسال الله ان يشفيه

هذه القصيدة لعويتق رحمه الله وهي رد منه على الشاعر هليل السكيك الميموني عندما قال : (هليل)

ألا يالطيف الروح يابو ثمانن صف لواني مشيت ولا تمقلتك اشوالي
ألا يالطيف الروح حالي عليك تهف كما ...................................

فرد عليه عويتق :
عما مايشوف الدرب جنه عليه يهف
يحطه عليك اهوال يالمشخص الغالي
ألا يالطيف الروح ليتك عطيته كف
يخبث على باله وأنا ينشرح بالي
تنطح ديار الهضب وانطح ديرك وذف
تسدك سعيده عن هوى الناس من داني
ورد عليه هليل :
ألا يالطيف الروح وطي عليه الخف
ترى خده المسكين يصلح لك انعالي
....... ماهو عيد ركبن لفن خذف
ولاهو لربعه والمسايير مدهالي

سلم نقلك اخي الواثق

هذا الشاعر من اكبر شعراء القبيله ومن فحول الشعراء لماذا لايتم البحث عن قصائده وتجميعها من قبل المنتدي جزاكم الله خير

المشاركة الأصلية كتبت بواسطة واصل عزيز

الاخ محمد العزيزي
اقدم لك هذه المشاركه المتواضعه قبل تعديل القسم وهي عباره عن قصيده لشاعر الكبير والمرحوم عويتق الصواني ادخله الله فسيح جناته وتجاوز عنه عندما كان متغرب عن ربعه بني عزيز وديرته المهد وقال الابيات التاليه التي اكسبته حب الجميع على حبهم له الاول
وجعلة هذه القصيده امير المهد السديري ان يطلب عويتق موظفا في امارة المهد
وإليك القصيده
طبعا القصيده فيها اخطاء وناقصه ولكن نحنو في بداية المشوار فيه رجال في الديره اعرفهم حافظينها هي ومعها عدد من القصائد لاخرى للمروحوم واعدكم باني سأزودكم بها لاحقا

عديت في مرقبا قفرا جوانيبه = وجالي على الرجم مطلاعا ومنزالي
وغنية قافا يهيظ من يغنيبه = من ما جري في خاطري واطرى على بالي
الليلـه امسـى لذيـذ الـزاد ماليبـه=وامست على الهموم الوان واشكالي
اصغي براسي ولادري وين القيبه=في ديرتا لا ولد عما ولا خالي
بين السليـل وبيـن حمـاه وشعيبـه=مجبور بالصبر والشكوى على الوالي
الله على الي اللـي مصممتـن لواليبـه=شغل الكفر من خيار الـوارد التالـي
ماداق ويله مسافـه غيـر تجريبـه=عوايـزه طقـم مافيـهـا تبـدالـي
ياطـى العظـا مايردنـه ضواريبـه=وياطاالدعك لو نصاه عروق ورمالي
سواقه اللـي يـودي العلـم ويجيبـه=مع مدركاً مع هل العالات مـا مالـي
يسرح مع الفجر حيث انه يصلي بـه=وعصير مع طلعة الديراب قد مالـي
وليا وصلتوا عفيف يسـار ترميبـه=بين اتجاه الغروب وبيـن الاشمالـي
ونجم الثريـا قليـل يسـار ترميبـه=والجدي عند ايمنك وأمـش بتعدالـي
وأرخام والهضب تبدي لـك مراقيبـه=دلايـل للوطـن مـن غيـر دلالـي
وفي نصف ساعه تشوف المهد وتجيبه=إليا ضبطت الطريق وستـر الوالـي
ملفاك في مركـز دامـت مناصيبـه=للأجنبـي عندهـم تقديـر وإكمالـي
ومن سوق مهد الذهب ثبت معازيبـه=تلقى الخبر عـن منازلهـم ودلالـي
وعليك باللـي يكثـر فـي تراحيبـه=وانطح هل المدح لا ترجع للانذالي
ربعٍ مقر أصلهـم كلـن يهذريبه=آلاد وايـل ليـا يبسـن الابـلالـي
لن جاء نهارا يجيب الخوف والريبه=قامو على العز جهالا وعقيلي
حريبهم فـي اللقـاء تكثـر تناشيبـه=وقصيرهم طول ماهو عندهـم غالـي
هم بيتي الي عن الملهاب اذريبه= وهم ربعي اللي علي ألحاف واظلالـي
والرأس مـن بعدهـم زادت تناشيبـه=والعين هلت غزيـر الدمـع همالـي
وماعود بالبعد من حدوه اقاريبه=وبعدة يوم انجبرت وحدني حالي

وسلامتكم والمعذره على الخربطه في القصده ماكن ودي اني نزلتها لانها من حفظي واكيد ان فيها اخطاء عده واحذف ابيات كثير

ولكن اعدكم بجمع القصيده هذي مخصوص والبقيه عموم وتنزيلها

وتقبلو خالص التحيه والتقدير

واصل عزيز

انا ابي اكتب لكم اللي انا حافظه وانا ادري كذلك انني ربما اكون قد سلكة طريق سعادة المدير في الحفظ وقد يكون في حفظي
ما يغير في هذه القصيدة الرائعة ولكن نتمنى من الجميع النظر في وضع هذه القصيدة والرجوع الى جماعة الشاعر عويتق للظهور
بجميع تلك القصيدة وتدوينها للأجيال القادمة ونحن حفظناها من ابائنا ولكن مع مرور الزمن ومشاغل الدنيا يمكن الواحد ينسى او يلخبط
في بعض ترتيب الابيات وعند توثيقها لن تكون هناك نقاشات وتكون مرجعية لنا وللأجيال .

يقول الشاعر عويتق نسال الله ان يتغمد روحه بالجنة ويتجاوز عنه سياته


عديت في مرقباً قفراً جوانبيه ***** وجالي على الرجم مطلاعاً ومنزالي
وصخرت قافن يهيض من يغنيبه ***** من ما دخل ضامري واطرى على بالي
مبدا كلامي بذكر الله واسميبه ***** ومقدم الله على كفات الاحوالي
الليله امسى لذيذ النوم ماليبه ***** وأمست همومي علي الوان واشكالي
وامسيت في ما قعن ما ودي امسيبه ***** في ما قعن لا ولد عم(ن) ولا خالي
اسرح واروح على المرقاب اعديبه ***** ومقضي الوقت بين اقفاي واقبالي
وادير وجهي ولا ادري وين القيبه ***** في دار غربه غريب بلاد ولحالي
والأجنبي وان ذكر داره واجانيبه ***** ما يلتفت في مكثرة التعذالي
في ما مضى مع اقرباته واصاحيبه ***** واليوم مقطوع في ربع الخلاء الخالي
بين السليل وبين حمام وشعيبه ***** مجبور بالصبر والشكوى على الوالي
وهمو قلبي تسند به وتنحيبه ***** وألها على المكتلف عدل(ن) وحلالي
ياركب اللي مصممت(ن) لواليبه ***** شغل الكفر من خيار الوارد التالي
ما دار ويله مسافه غير تجريبه ***** وعوايزه طقم ما فيها تبدالي
سواقه اللي يودي العلم ويجيبه ***** ينصى الخطر عن طويل البعد ماسالي
ياطا الحثر ما يردنه ضواريبه ***** وياطا الدعث لو نصاه عروق ورمالي
ما قيدوله على الطبلون يمشيبه ***** لو إن ما يمشي الطبلون عقالي
يسرح مع الفجر حيث انه يصليبه ***** والعصر مع طلعة الديراب قد مالي
بمدركن عارف الممشى وترتيبه ***** ساطي ثقه مع هل العالات ما عالي
يمشي نهاره وثلث الليل يسريبه ***** وثالث مسيره يحط المهد مقيالي
واليا وصلتوا عفيف يمين تمشيبه ***** بين اتجاه الغروب وبين الاشمالي
ونجم الثريا قليل يسار تمشيبه ***** والجدي يم ايمنك وامش بتعدالي
ورخام والهضب تبدي لك مراقيبه ***** دلايلن فالوطن من غير دلالي
في نص ساعه تشوف المهد وتجيبه ***** اليا ضبطت الطريق وستر الوالي
وملفاك في مركز(ن) عادة مناصيبه ***** للفاوي عندهم تقدير واكمالي
واقلط على عاقل(ن) تبسط تعاجيبه ***** لين الكلافه وضيم البعد ينزالي
شيخن على الطيب ما ضيتن تجاريبه ***** من الجد الاول ليا تاريخه التالي
مشهور باسمه وله فخذن تسميبه ***** وفكرن على المشكله نقاض فتالي
من وسط مهد الذهب ثبت معازيبه ***** انطح هل المدح لا ترجع للانذالي
ربعن مقر اصلهم كلن يناديبه ***** آلاد وايل ليا يبسن الابلالي
وان جاء نهارن يجيب الشك والريبه ***** قاموا على العز جهالن وعقالي
حريبهم فاللقاء تكثر تناشيبه ***** وقصيرهم طول ماهو عندهم غالي
هم بيتي اللي عن الملهاب اذريبه ***** وهم ربعي اللي الحاف وضلالي
الراس من بعدهم زايد بتشييبه ***** والعين هلت غزير الدمع همالي
قلبي عليهم تزايد به جواذيبه ***** جذب المحص من شفاء مطوية الجالي
البعد عن دارهم ماني براضيبه ***** وابعدت يوم انجبرت وحدني حالي
ما عود بالبعد من ضدوه اقاريبه ***** ولا يقتبل مقعد الحقران رجالي