شرهـــــــــــــــات الخواطــــــــــــر

ماجا على بالي خطاك انت بالذات
لاتعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لوتعذر
مقدر خلاص اتحمل اليوم غلطات
ما اكذب عليك انا بديت اتغير
بسكات اناجيتك واباروح بسكات
اببتعد.....واقول هذا مقـَدر

عيوني بسمه عيونك ولو صارت مطر ورعود
ابشرب من ظما دمعك وبغسل جرحي الدامي
عطيني عيونك الليله وباكر ياعساه صدود
امانه لا مسحتي الكحل خلي طيف احلامي

استوعب الوضع واعرف قد مقدارك
بعض الخطايا منك تراني ما تحملها
ياحلو بسمتك لا من زانت اخبارك
ويا حلو عينك لو انك ما تكحلها
بعض السوالف بها لا تشغل افكارك
فرقاك لو قلتها ماني بصاملها

اصدق دموع اشوفها دمعة فراق
من الهدب للأ رض طاحت حزينه
قبل يتفارق بالهوى اثنين عشاق
في ساحة التوديع قبل السفينه
معاد تجمعهم مراسيل و اوراق
وكلن بلا خله يكمل سنينه
واحد رحل وبنظرته حر الاشواق
واحد وقف تصفق يساره يمينه

يا صاحبي على العطا من جبرني
اقدر على التطنيش و اخسرك واغيب
لاشك اصلي بالرجوله امرني
ما همني من ياخذ المدح ويجيب
بروح ون ضاق الزمن افتكرني
لا شان وجهك ولفحتك اللواهيب
بتقول هذا بالوجيه اختصرني
وجهٍ كفاني شر ناسٍ من العيب

ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفة وفى
اصبر وتدري وش دوافع وقفته واهدافها

المشاعـر في غيابك
ذاب فيها كل صـوت
والليالي من عذابك
عذبت فيني السكوت
وصرت خايف لا تجيني
لحظه يذبل فيها قلبي
وكل أحلامي تموت

منت اول من يجي ومنت بآخر من يروح
ماحسبت حساب صدك ولا فكرت فيه
بان تقصيرك وشفتك معي منت بنصوح
والفراق المنتظر في عيونك تحتريه
رح معاد ابغاك لوك على الرده لحوح
مابقالي في حياتي معك شي ارتجيه

قالت من انت وقلت مجموعة انسان" " من كل ضد وضد تلقين فيني
فيني نهار وليل وافراح واحزان" " اضحك ودمعي حايرٍ وسط عيني
وفيني بداية وقت ونهاية ازمان" " اشتاق باكر واعطي امسي حنيني
واسقي قلوب الناس عشقٍ وظميان" "واهدي حيار الدرب واحتار ويني

في غربتي ، عارضت أنا ركب الأغراب" "أشد .. وأنزل .. والليالي ركايب
أضداد .. وأقران وعدوان ..وأصحاب" "متناقضات الخلق .. ماغاب غايب
أسهر معا تهويم نجمات الأحباب" "حتي يصير النجم بالصبح غايب
أصبح على فجرٍ ضحوكٍ .. وعجاب" "وأمسي على همسات ، ستر العجايب
وقامت تجاذبني على درب .. الأسباب" "نفس الشباب .. يحدها عقل شايب
مشيت في رمضا .. وسنّدت بهضاب" "وعارضني سيول ، وهبّت هبايب
وأمسيت في صحرا .. و قيّلت في غاب" "ومن طاول الغربات ، شاف العجايب