قصيده للشاعر الراحل/ عتيق معوض الصواني رحمه الله في هلال و رشيد

هذي قصيده للشاعر الراحل/ عتيق معوض الصواني رحمه الله

يمدح فيها بني عمه هلال بن عايد الطلاحبي (أبو تركي) ورشيد بن عبدالله الطلاحبي(أبو عبدالله)

يا حميد دن معجمات المسامير=مصمم الشاصين شغل النصارى
الله يجيرك من صدوف العثابير=وعساك من سوء المنايا مجارى
أبتل عليه وبتله للمناعير=وسلم وخص كبارهم والصغارى
ملفاك بيت هلال عيد الخطاطير=ورشيد لالبسن عليه الغثارى
ود الجواب وقرر الهرج تقرير=وتفقده عن كل عيب وعوارى
وحنا بعد مقياضنا اللي ورى النير=كان بتل دربه على ما توارى
مضيتلي معهم مقيض ومصافير=وربيع قدمه لين يبس الخضارى
خوه على قيمة محبه وتقدير=والله على ما قيل شاهد خيارى
وفاضوا مع الشعبه بملح ومغاتير=وحنا حدانا الدرب عنهم يسارى
وقفيت والعبرات مني شخاتير=والقلب لو أدراه ما ينتدارى
قلبٍ موسر مع هل الطيب توسير=وأن فارق الطيب يصيبه غيارى
عسى لهاك الربع نور ومسافير=بجاه ربٍ حط ليل ونهارى
العاقلين الكاملين المناكير=عيال حرٍ ذاخر له حرارى
ربعاً على أولهم سيوفٍ بواتير=لطامة العدوان ستر العذارى
وأن حل فالقالات ورد ومصادير=يوخذلهم عند الصعوبات شارى
راياً يفك مشربكات الشناكير=وعلمٍ يوقع له بصدق وقرارى
والمعذره لن كان فالقول تقصير=واستر عن النقصان والاقتصارى