ابشر؟؟؟؟؟؟؟

ابشر بقلب مايبي غير طرياك
وابشر بعين ماتبي غير شوفك
وابشر بحب لوقسى الوقت يرعاك
وابشر بروح من غلاها تحوفك
ابشر وكل اللي تبي يالغلاء جاك
أمر عسى درب المنايا يعوفك
ياصاحبي يشين وقتي بليك
لاصار ماينطق لساني حروفك
ان غبت عني يذبح القلب فرقاك
وان جيت يمي عانقتني طيوفك
امشي على كيفك على شان دنياك
واساير أيامك واقدر ظروفك
من كثر ماخوفي على قلب ينساك
سلمت لك قلب الغلا في كفوفك
مديت قلبي يوم مديت يمناك
ولعبت لك عرضة ورقصت سيوفك
لأجلك ازعل باقي الناس لرضاك
وان مت تكفى يدفنوني بجوفك
لوتجرح قليبي وتكثر خطاياك
أرقد وآمن أمن الله خوفك
اليا قسى وقتك وشانت نواياك
قلي واموت برغبتك ومعروفك
قد قلت لك ياصاحبي ماقدر أنساك
حلف على روحي أبد ماتعوفك

اهدي القصيدة
الى كل العضاء
في المنتدى واتمنا
ان تنال اعجابكم

اللـيث يرحبك هـــلابك ومــحلاك
وان جاك يالمذبوخ اذبح خروفك

قصيدة جميلة ورائعة وذوق رفيع
سلمت بنانكـــ،،،

سلمت يمناك على النقل وتشرفنا بتواجدك الراقي ..