اهداء الى الاخ واصل عزيز

السلام عليكم ورحمة الله وبركاته

هذه الابيات المتواضعه مهداه للاخ واصل عزيز

احد مؤسسي هذا الصرح ... ويستاهل ان نشكرهم على ما يبذلونه من جهد في سبيل

التقارب والتعارف بين ابناء القبيله

رغم انه لا يوجد بيني وبينه سابق معرفه ولكن فعله يعرفنا عليه غصب

ويستاهل كل خير .... اترككم مع القصيده .. اللتي اتمنى ان تنال لو شي بسيط من استحسانكم...

اسرجت من قب المهار الاصايل.....مذعورتن لا روحت تبرد الجاش

شردن لاراحت ليل والا قوايل ...... في ذمتي ذمه ما ترجع على ماش

نصيتها اللي يستحق الجزايل ..... يفخر به الهاجوس والراس ينشاش

زيزوم ربعه كاسبين الجمايل .... يوم الجمايل ما تحصل بمنقاش

انشا لربعه صرح بين القبايل..... ثم ارتقابه مستوى يدهش ادهاش

بذل على رفعته كل الوسايل.....ماقال انا من كثر الاشغال منداش

حييت يارجلن زهته الفعايل..... وحييت يارجلن على المرجله حاش

سلام ياخالد بفعله وطايل..... .....اللي يموت ولا يطوله ولد لاش

واصل عزيز الا معزة حمايل.......للمعرفه مركى وللعزه فراش

وانا مع ربعي بوقت الصمايل... ..واللي بليا ربع لو عاش ماعاش

هذا كلام الصح والشك زايل ...... واللي يغط الحق كاذب وغشاش

.................................................. ....................

اخوكم / نايف معلي العزيزي