ياعـيـونــي

اهداء من الشاعر فايز العزيزي الى منتدى بني عزيز

ياعيوني ليه عيتي تنامي = ليه ودك تتعبين وتتعبيني
لو تطيعيني وتمشين بنظامي = وتاخذين الشور من هاك السنيني
عدت الليله علي برد وسلامي = والتقا جفنينك والنوم يهنيني
واسترح شوفي من عتوم الضلامي = واسترحت من الهموم الي تجيني
يا اله الكون يامنشي الغمامي = الدعاء حبل الوصل بينك وبيني
طالبك يارب وبكل الاسامي = تبعد الشيطان عني وتهديني
ودي اقفي مالحق وجهي ملامي = منك ولا من جيه الطيبيني
لاتنقصني ولا تطرح مقامي = يوم تشهد قبل منطوقي يديني
والله ان الضعف مايدخل حزامي = والله اني في العرب ماني دويني
ان وقفت اقف مواقيف الحشامي = وان قلطت اقلط على الكبش السميني
معتنزبك في قسى والا سلامي = ولا احد(ن) غيرك على الدنياء عويني
مير لي قلب(ن) مطاوله الهيامي = وين مالقيت به جر الونيني
ذاكر الي طاولت فيه السقامي = لاذكرها قال ياوينه ويني
لاطراله صوت مردوع الوشامي = يلعب لاحساس بالجرح الدفيني
غيرها عيت توصلني مرامي = وغيرها لو زينت لي ماتزيني
يوم قلبي عن جميع البيض صامي = قفل الشباك في وجه السجيني
تايب(ن) والذنب لاسامات يسامي = لين ترجعني قبل ترجع قريني
ماني بمعصوم من ذنب الغرامي = انجرف مع كل شي(ن) يحتويني
لجرفني معه ملعون الرسامي = انجرف واقول خلي يحتريني
وانت يالمعبود يامحيي العظامي = المولع لرتخى قلبه يليني
لو توفقني معه يارب عامي = اكتمل ياخالقي عمري وديني
الحياه اسرار مافيها كلامي = تنعرض مابين تفكيري وعيني
قلت شام القلب عن ماضيه شامي = واثر ماها ناقع(ن) من فوق طيني
اشهد انه طارين لحام حامي = كم حزنن منه لازم يعتريني
آه من شي(ن) خذينا منه اثامي = غير السكه عليه سكتيني
ان تركته تاركن كل الحرامي = وان ملكته صرت زين العابديني
وآه من كثر الطواري والحلامي = وآه من ليل(ن) يبي يبحث كنيني
بس نامي ياعيوني بس نامي = السهر يتعب عيون الساهريني

والله ان الضعـف مايدخـل حزامـي***والله اني في العـرب مانـي دوينـي

***

آه من شي(ن) خذينـا منـه اثامـي***غيـر السـكـه علـيـه سكتيـنـي
ان تركتـه تاركـن كـل الحرامـي***وان ملكته صـرت زيـن العابدينـي
وآه من كثـر الطـواري والحلامـي***وآه من ليل(ن) يبي يبحـث كنينـي

***

والله اشبعتنا شعر والله جميل هذا القصيد والا بلاش

انشهد انك مفخره لبني عزيز دام هذا قصيدك

امانه معك لاتحرمنا من هذه الباذخـــــة

شكرا
مدد بلا عدد لك اخي فائز سعود العزيزي


كانت هنا وسجلت اعجابها

فجر

مانـي بمعصـوم مــن ذنــب الغـرامـي **** انـجـرف مــع كــل شــي(ن) يحتويـنـي

فائز

صح السانك

انت انجرفت للغرام ونحن انجرفنا اعجاباً بهذه القصيدة

تحياتي

لكم مني جزيل االشكر وتحيه خاصه

بس نامي ياعيوني بس نامي السهر يتعب عيون الساهريني

يعطيك العافيه قصيده رائعه
تقبل مروري

آه من شي(ن) خذينـا منـه اثامـي ــــ غيـر السـكـه علـيـه سكتيـنـي
ان تركتـه تاركـن كـل الحرامـي ــــ وان ملكته صـرت زيـن العابدينـي
وآه من كثـر الطـواري والحلامـي ــــ وآه من ليل(ن) يبي يبحـث كنينـي
بـس نامـي ياعيونـي بـس نامـي ــــ السهـر يتعـب عيـون الساهرينـي

كلمات من ذهب

صح لسانك على هذه القصيده الرائعه جداً يا فايز

صح لسانك وانا اشهد بالله انك جزل

تقبل مرور اخوك
ابو اثير

اخواني جمهور واعضاء منتديات بني عزيز ابارك لكم من كل قلبي بتواجد الشاعر

الكبير \ فايز بن سعود العزيزي\ هذا الشاعر النابغه صانع الحرف مهندس الكلمه

مسطر حروف الشعر من ذهب للة دره وامثاله واللة مكسب كبير لهذي القبيله وهذا

المنتدى شكر (ن) شكر(ن) وبيض اللة وجهك على صوغ امثال هذي النوادر واهدائها

لربعك وانت خير من يمثل قبيلتنا ومنتدانا واكرر لك شكري وتقديري \ حامد رضا

قصيده جزله وماهي غريبه من شاعر مثلك يااااااااابو سعد
وتقـــــــــــــــــــــــــــــــــــــــــــــــ ـــــــبل مرروري