تـــــرى الـخــــوي مـــلـــزوم يـــذكـــر خويــــه))..

ابـدى كلامي بسم رب السمـواات
الـواحـد الـخــلاق رب الـبـريـــــه
فيه اشتكي له من كثير المعانات
فالمـعـهـد الـفـنـي عـلـيـه قـويـــه
ظباط مع افراد ونــاس" غثيـثـات
والـمـدرسـه ابها وجـيه اجـنـبـيـه
وميدان به تثـبـيت ودق التحـيــات
وتثـبـت وتـاخذ لـك طـلابـه جزيـه
وتعليم والتعـلـيم جـاب الـمطـمـات
نتايـج" رحـنـا سـبـبـهـا ضحــيـــه
سلـطـان يانسـل الرجال العريقـات
وقـفـاتـهــم وقــت الملاقـا جـريــه
والله يـا لولا خــوة رجـال وقــفـات
نفـصـل ونـتـرك هالعــلـوم الدنــيه
ويردني من يـنتظـرنـي لـفـــزعـات
ابـو فـهـد يـفـداهـ عمري ضحــيـه
يبي السعد منـي بنـقـز الصـعـيـبات
ومافـي يمــيـنـي بـبــذلــه للمنــيــه
يـارب قـدرنــا لجـيــب الشــهـاداات
من شـان نفرح بالتـخـرج ســويــه
سلطان بالي يدور به بعض حاجات
عن التخرج والخوي مع خويــــــه
معقول ينساها بكل السهـــــــــالات
ويسب هالايام وينسى خــويــــــــه
ولا بتبقى وسط قلـــبـه علــيــقــات
وما يمر شـهـر الا يـكـلـم خـويـــه
ياخـوف تنسى عيشــنا بالسهالات
الـيـا رغــدت وعـشـت عيشه هنيه
ودي اوضح لك بـكل الطـــريــقــات
ترى الخوي ملزوم يذكر خـويــــه
ابي الجواب وشرح كـل البـيــانـات
وانته كـفـو بانـسـل روق النـقـيـه
وصــلاة ربـي وختـمـهـا بالتحيــات
على احمد المخـتـار خـيـر البريه

لاتناظرني ترى قلبي نساكـ