سلام يالجامح....؟

عالي صياحك مار ما حولك مفر ولا مطير
وامن الطرق فيها جهازن يرصد المتعمدا
الحق بين مار اشوفك لا وصلته تستدير
هذي قرادة حظ دام العقل عيا يرشدا

امشي على القانون ماخاف الصغير ولا الكبير

واليا كتبت مخالفه قلنا تساهيل او فدا

وانا ادري انك مذهب حالك على جره بعير

لكن وش تبغاني اسوي ليا منه غدا

غاب النجم والفجر بان اشلون اسويلك جرير
جاك الخبر ما باقي الا انك تجيب المبتدا
ترى البعير معقل مثنى ولا حوله مسير
لكن لد العين وانت اعرف بجو المنتدا

الليل وين الصفوف

انا على بعض العلوم يقودني سلك الحرير

لكن يسبقني ويكسب بعضها كف الندا

وان كانك معقل حلال القوم عطه من الشعير

والا اختر الله واعتق المجحود ياشور الهدى

الجو هادي والمغازي من صبيح الى عصير
نارد على العد القراح وكم غيره ما ردا
امراح واسع مايبيله لا قليل ولا كثير
اطلع من الموضوع ما نبغا لك ابيض واسودا

اخوي الجامح بعد ردك استبيحك عذرا عندي دوووام

وتصبحون على خير