ديوان الشاعر ثواب المندهه

اخوي نواف بن صعير

شكرا لك على تنسيق القصيد

عودتك للمنتدى مثل الغيث اذا نزل يحيي الدار

لاخلا ولاعدم

مرحبااا مليوون يافيصل

ديوان شاعر كبير ومميز وجزل

امتعتنا لا عدمناك

والله يبيض وجهك

تقبل مروري

البقاء يابو شاهر
وجهك ابيض

سلم نقلك اخي فيصل
وصح لسان الشاعرثواب المندهه
واستاذنك بتنسيق القصيده

المندهه يوم طلق الحبل والقيد
وربوعه آلاد وايل نارهم حيه
اليا ركبنا على اللي تقطع البيد
حرايرن من خيار الجيش منقيه
كم ذود مصلاح أخذناها لنا فيد
ف الأوله من قديم الوقت جديه
يومن بعض العرب يرمي بلا صيد
من رمينا تمسي الفقرا غناويه
عزايزه خذ كلامن صح توكيد
مثل الجبال الطوال اللي لها فيه
يومنها بالسيوف وبالبواريد
رجالنا عن سريه ينطح الهيه
واليوم كل الليالي عندنا عيد
في ظل من وحد الدوله سعوديه

الشاعر ثواب المندهه

يافيــصـل الله يتـمك سـوق وارتاح
لاتلــتـــفت يـــــم جوالك وتصـغيله

كم واحدن من سببها فالخـطر طاح
واصـــبح ضحيه عــلى مقيل عزيله

وامسى طريحن عن السرأ والافراح
ولا توفــــى وقــــفى عن محاصيله

مـــــقـــدم سبـــب لدته لشر مفتاح
حتن شين يريد الـــــــــــرب ياتيله

جدوت صــــديقه ليمنه درى صاح
يهل دمــــــعه ولا فلي حصل حيله

انصحك ياسايقن في وقت الاصباح
تبغا لزومن عـــلى موترك تهويله

اول بداء سم واقر حــــروف الارباح
ودور خــــــوين حسيــناتن مجديله

الي يسليك فـــــــــي جيه ومرواح
وابعد عن الي عميل الشر يوميله

ومشى وتوكل على خلاق الارواح
ينجيك من شبكة الــشر ومحابيله



الشاعر ثواب معاصب المندهه

ياحمود اشوف الوقت لازد يشتد
فاحمد عسى يشفيه رب العبادي
والوقت لو هو زان لابد لابد
محدن سلم من ميلته بالنكادي
بحكمة ولي العرش ماهي بتنرد
لو العرب تسعى بكل اجتهادي
مير اطلب الي يعلم الغيب والسد
يشفيه غيره يافتى لاتنادي
يامنجين موسى ويامغرق الضد
ياربنا اشفه يامجيب المنادي
والصبر مفتاح الفرج صبرن من جد
وعليك يامحيي النفوس اعتمادي
قصيدة الشاعر ثواب معاصب المندهه

#جديد_الشاعر_ثواب_المندهه
((التكاتف))
ياربعتي ياذخر ذرفين الايمان
كونو كما البنيان بني البصيري
ولا كما ضلعن على طول الازمان
مايختلف مهما يكون و يصيري
ترى التكاتف عز والغير نقصان
كسرت جناح مرفرفن مايطيري
فقدت جناحه لو بغا بعض الاشوان
فالأغنياء يقعد وحيدن فقيري
ولو كثرت الدنيا ترى الربع الامتان
تدحم بها لن جاك شيً خطيري
للخير خدامن وللشر عدوان
للشر تجذبهم سلوك الحريري
وان قالك دربي كذا قول غلطان
وحنا نقول لك الغلط مايصيري
الدرب درب اجدادنا سر وإعلان
الي على درب العداله تسيري
متكاتفين الطيب عمان وإخوان
يد وحده يوم المشاحن كثيري
واليوم نشكر ربنا منشي الامزان
الي جعل للحكم امير و وزيري
في حكم سلمان السعد طير حوران
ماضاع للمخلوق حبة شعيري
وصلاة ربي عد ماهل ودان
من مزنتن غراء وليلً مطيري
على الرسول المصطفى نسل عدنان
الي مكلف بالرسالة نذيري
الشاعر/ ثواب معاصب المندهه

صح السان الشاعر المبدع ثواب المندهه
وتسلم يدك اخي فيصل على النقل