الحــس ونــزف الحـــرف - محمــد العــزيزي

الصمت.. لو الصمت بالحزن أنقـرى=كل(ن) يفَسْـر ماكنـى مـن منطقـه
البارحه عينـي تبـي نـوم الكـرى=والصبح بان.. وهم قلبـي مأعتقـه
والطاري اللي في ضميـري لاطـرى=يجـدد همـوم الخفـوق ويرهـقـه
الله و لاجيَـت ضيوفـي وخـطـرى=لو مافتحت الباب.. ضيفـي يطرقـه
أطيبهـم اللـي لا حكابـي افـتـرى=مابين باب الصبر.. وبـاب" مغلقـه
ضيوفي مراب الكـلام اللـي شـرى=ذنبـي بهـرج" طالنـي مـا نسقـه
والعاذل اللي قاللـي: يمكـن.. تـرى=كابر وذنبه مثـل شمـس" مشرقـه
والظرف.. والتحنان.. وشي" قد جرى=لو ضيقو صدري.. زماني مأضيقـه
يلومني من هـو بـهمـي مـادرى=ماينكتـب همـي علـى خـد ورقـه
وأصحابي اللي كنت احسبنهـم ذرى=يـوم أن كـل" لـه نديمـن يفرقـه
أحدن بلا توديـع و أحـدن احتـرى=وين الصحيب اللـي مواقيفـه ثقـه
الحس نزف الحرف غال المشتـرى=هرج الشعور اللـي يغيَـب اصدقـه
الوقت يمضي قـدَم والنـاس لـورى=ياهاجـس الفكـره كــلام أوثـقـه
العام يوم الطرق.. ( ياليـل" سـرى)=فاتت سنه وذيـك الجـروح مفتقـه
يعنـي كـذا.. بعـد الثريـا للثـرى=فعل الزمان وحلمنـا اللـي نعشقـه
والجادل اللي بعدها مأسمـع مـأرى=فارقتهـا مـن دون موعـد تصدقـه
اللي لها بالقلـب أثقـل مـن كـرى=وطويـق والنيـر وجبـال مفـرقـه
يأهل المداين.. يا بدو.. يأهل القـرى=المعطي الله وأشهـد الـرب رزقـه
ياليني جار" .. ومن عرض قصـرى=أبكـرم عيونـي بشـوف" تسرقـه
أن كان فيها ذنب.. بالذنب خشـرى=جرح المفارق ذنب والذنـب الحقـه
يطيب جرحي بالخفـا.. وان مابـرى=يشره على اللي لاحمس بـن حرقـه

محمــد العــزيزي