شرهـــــــــــــــات الخواطــــــــــــر

حتجت لك في ضيقتي ما لقيتك
وقضيت ليلي بين همي وفرقاك

واليوم جاي تقول لي هاه جيتك
وش فايدة اني الى رقت بلقاك

ارحلي وانسيني بدرب الضياع

انتي كلك مع بعضك غلطتي

ابتديتي وانتهيتي بالخداع

كل من حولي بكوا من قصتي

ارحلي بسكات لاتطري الوداع

والله انك في حياتي زلتي

تطمـّن كل جرح ٍ لك وطيته
لأجل عيني ترى تكرم قبايل

و ذا وجهي إلى منـّك نسيته
تذكـّر هالبدر بين الجدايل

حسافة فيك وقت ٍ قد قضيته
أعدِّل فـ البنا والساس مايل

ذللـــــــــــني قلبي ولاله مصلحه
الحقيقه شمس والواقع سرااااااااب

حسبي على من خذا قلبي واجرحه

ما اهتم في حالي ولا ابدا لي اسباب

خايف على عذولي بكلامه يفضحه

مايدري انه لمفارق الاحباب طلاب

هذا كلامي اكتبه بقلبك وامسحه

سكنتك بقلبي وطاوعتبي كذاب

لا جيت ابنسـى واتراجـع واسامحـك
صاحن جروحي واشتكن لي طعونـك
كلك خيانه قـول .. وشلـون ابمنحـك
وش موقفك من شخص دايم يخونـك

سيطر علي الياس ماني مبخوت...
تبكي علي حروف شعري وكتابي...

لمــت الزمن ولايم الوقت غلطان
حوادث الايام من فعل اهلها

جيتك بقايا روح في هيكل انسان
جفت على درب الاماني دموعه

جيتك جروحٍ تنزف آلام واحزان
وقلبٍ من الفرقا همومه تلوعه

(سعد المطيري)

حبٍ يشيّب وصاحبه ما بَعَدْ شاب
وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه

وحب يذوّب خافقٍ ما بعد ذاب
وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب
وحبٍ يزيدك رغبةٍ في الكتابه

وحبٍ حياته كلّها لوم وِعْتاب
وحبٍ حقيقي ما يضرّك عتابه

وحبٍ بلا معنى وحبٍ بلا اسباب
يبدا غريب وينتهي في غرابه