▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

أبا أوصّف الخوّه حسب منطق العقّال=وأبا أميّز المخطي وأبا أميّز الصايب
خويٍ لو يميل الدهر بالوفاء ما مال=نهج منهج الوافين مع منهج الشايب
يصون الخوي في لازمه وإن وقف رجال=وعن الحق ما هو لا مخادع ولا هايب
ولا ينكر العشره ولا يتبع الجهّال=بناله بطيبه بيت فالمنزل الطايب
نهض صيته بفعله شجيع وكريم إسبال=وماهو عن الموقف ليا صوّتو غايب
هذا خوته فيها الشرف ما عليه إجدال=ينومسك ما أنته فيه خاسر ولا خايب
وخويٍ على ماقيل تلعبّه الاقوال=مع الناس لا ودى ولا هو لهم جايب
يبيع الخوي من شان تضحك له الانذال=ومن شان يرضي راعي المبسم الرايب
من الضعف يجحد كل معروف ماله حال=ردي يتبع النسوان في دنيته سايب
خساره على راس الردي فالليال عقال=ما دامه على علم الردى حارس ونايب
نصيحه ترى الخوه لها يالرجال إجلال=لكّن احذرو من خوّة الخايب العايب
ورى المصلحه يمشي معك لو زمانه طال=وإذا أحتجت له تلقاه من خوتك تايب