ღ♫ـ أحساس يبوح من قلب وروح ღ♫ـ

بعض ما قيل من طرائف الشعر للمتعة

الشكوى لله
احدً عشاه قرص و مفطح الحيل
وحدٍ رغيدٍ يلعط الكبد حره
وحدٍ يصجنَه اصوات المحاحيل
وحدٍ تمنى ساعةٍ صب كره
وحدٍ يلاعب لابسات الخلاخيل
وحدٍعجوز شاف منهاالمضرة
يالله انك تعدلها عن الضلع والميل
والا انك تميلهاعلى الناس مرة

غلاك
غلاك يسوق قلبي ما معه رخصه ولا تأمين
لك الله رابط حزام المحبه في شراييني

من زود حبك
من زود حبك قمت ألبس الثوب مقلوب
وأنشد عن الغتره وهي فوق راسي

المس كول
أجي وافتح المسد كول يامال فرقا العين
ولا اشوف رقمه جعل الارقام يفدونه


يالعنبوك
يالعنبوك من الترف والنعومــه
كن النسا مسترجلة من حواليك


سياحة
بس هذي بهالسفرات شغلتنا
وسط القهاوي واحط ايدي على خدي
يعني بمفهومكم هذي سياحتنا
دخيل الله سياحه هيك مابدي


حارة الزين
ياليتني في حاره الزين خباز
أسابق المذن واسوي عجينه
ابيه لاصار للخبز معتاز
امد له الخبز والمس يدينه
و اولع التنور وارفع على الغاز
ولو احترق فدوه لرمشه وعينه

حبك مسدس
حبك مسدس كاتم الصوت
يرمي الهدف حتى يصيبه


الحب مثل الشقى
الحب مثل الشقى مايلزمه خبره
ولا يلعب إلا ذكي بالغلا داري
وأنا غبي أحب الكل بالفطره
كلن لبس من غلاي وأنا وحدي العاري


حول علي الفواتير
من امس قلبي خفقته ماهي بخير
من يوم غابت عن سمايه بروقك
يومين وهمومي بقلبي طوابير
وانت الوله عيا يبلل عروقك
كانه بخل حول علي الفواتير
وكانه ثقل .. يلين الله خفوقك

المرجلة
المرجلة صعبة وفيها تغاريز
يلعن صبين مايعشق دبلها


القلب
القلب من نار الهوى صار كاتم
والحب في وسطه غدى رز محروق
وضلوع صدري صايراتن بساتم
ترجف عليكم يا حبيبي من الشوق


أفحط
افحط عشانك لو انقلب واموت
واكتب على اللوحات لعيون خلاني


ليت قلبي
ليت قلبي مثل جوالي يبدله شريحة
كان أبدلها واخلي رقمها بينه وبيني


نكبتي
نكبتني ياشوق نكبت حزيران
وغصبتني غصب اليهود لفلسطين


الجوال
دقة نغمة رساله وقلت يالله عسى خير
وانا ثلاث ايام محدن ذكرني
فتحتها بلهفه من الفرح بطير
واقول ياحظي من اللي افتكرني
اثره الجوال يرسل فواتير
هو الوحيد اللي ابد ماهجرني


ماعندي جديد
يعلم الله ياآبيض الوجه ماعنـدي جديد
غيـر ذكـرك لانسيتك علي بالي طـرا
وآنت مانت الشيخ زايد ولانـتا بالوليد
بـس تسوي في عيوني حكومه وامـرا


في خبر كانا
ان العيون اللتي في طرفها حـورن
خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله
لـن تبلغ المـجـد حتي يجيك ماجـانا
فـان رأيـت نـيـوب الليث بارزةً
وحدتـْك الأيـام دورنا وتلقانا


التجنيد
مل قلبن مهتنى في حب ناهد
في هواها مالقى لحظه هنيه
يوم واحد في الصداقه يوم واحد
عقبها روحت صوب العسكريه
جرني التجنيد له والحظ زاهد
شي من ربي ومكتوبن عليه
جيت للمهجع وفكري صار شارد
ناموا العسكر وانا عيني شقيه


حبك عسل
مادام حبك عسل مخلوط بالقشطه
لاتلوم قلب شرا بريال صامولي