هنا المحاوره المباشره لهذا الاسبووع 12/2/1429 في تمام الساعه التاسعه مساء - صفحة 8

سفير المهد · 02-20-2008, 01:29 AM

محمد العزيزي

ليا جيت بالميقاف ابقول بسم الله=
هلا مرحبا و أهلين يا الاد عبدالله=
حــزامي ولد عمي بدينا بعون الله=
على الهون لاتمشين ياعقرب الساعه=

الاد شـالح جابوا الرجل التمام= مدري يوردها على العد القراح
والا يجي فالسالفه نقص" وزود= و اللي عقد روس الحبال يحلها

حـــــــــامد رضا

سرى الليل يالشعار والعلم فولاذي=
ولايستوي فالسوق بايع وشحاذي=
ونٍ كان فيه استاذ انا مدرب استاذي=
على الهون لا تمشين ياعقرب الساعه=
يامرحبا ترحيبتٍ حسب النظام=
عداد ماخيل غمامه ثم لاح=
من هاجسٍ يرقا على المعنى سنود=
واللي عقد روس الحبال يحلها=

معزي الشلاحي

يدوم البقى والطيب من عادة الاجواد=
وحنا بني شالح سلالة بني عباد=
وحزامك ولد عمك تحت سلطت ابوعماد=
على الهون لاتمشين ياعقرب الساعه=
ماجاك غير السيف قصاص العظام=
وانا ولد شالح ليا بان الصياح=
اليا حضرنا للعدم يصيح وجود=
واللي عقد روس الحبال يحلها=

ابو عمااد

سرى الليل والمضمون رده بتسليمه =
وعلم الوفا ماطاحله عندنا قيمه =
وياحامد التعليم حضرو صواريمه=
على الهون لاتمشين ياعقرب الساعه =
دام البقا تقدير حشمه واحترام =
بين العرب تفلج كمانور الصباح =
ياليل ياليل السعد جعلك تعود =
واللي عقد روس الحباليحلها=

محمد العزيزي

ولد عمك الليله عسى الله يفزعله=
ليــــا غــــرز المــــوتر يدفه تدبله=
احد ساكن بخيمه واحد ساكن بفله=
على الهون لاتمشين ياعقرب الساعه=
السالفه يأصحابنا برد وسلام=
لاترتكب غلطه ترى سمي زحاح=
هرج السعه ياربوعنا فلم الهنود =
اللي عقد روس الحبال يحلها=

حــــــــامد رضا

لياجيت ياذيب القرى ماتعدانا=
يقف لك على المخرام رامي بنيشانا=
من الاد وايل شانهم فاللقا شانا=
على الهون لاتمشين ياعقرب الساعه=
الليله المعنى يصحي فالنيام=
راع السفينه مانوى بامر اللصلاح=
اهدا هديه ماتوصى فالنقود=
واللي عقد روس الحبال يحلها=

معزي الشلاحي

يامحمد لاترمي رمي ماهو على النيشان=
دخيلك تفقد هرجتك وستشر حمدان=
ترا الهرجه العوجا لمن قالها نقصان=
على الهون لاتمشين ياعفرب الساعه=
السالف لنازيه عندي خزام=لاكن قدمي شايفن صمدن براح
تدحم جبل شامخ ولا عند عضود=واللي عقد روس الحبال يحلها

ابو عماد

لياجا النهار اللي عليك انقل اسلاحـي=
ياذيب السهل تراك ماتوقـي ارماحـي =
ابى اقرصلك اذنك لو يقولون موصاحي=
على الهون لاتمشين ياعقرب الساعـه =

مادام برقك لاح في سد الغمـام=
المد مايقبل مـن إيديـنٍ شحـاح =
يابن رضا حنا مع مع الطيب نزود=
واللي عقـد روس الحباليحلهـا =

محمد العزيزي

وياطير ابن برمان انا عارف" مرماي=
تنُشد عن الرايح تنشد عن اللي جاي=
ابشري بمصاريفي وبمشي على مشهاي=
على الهون لاتمشين ياعفرب الساعـه=

ماودنا ياصحابنا ذبحه حرام=
هرجتك ذيه ساريه مسرى الرياح=
منته جبل ريَح ركابك يالهبود=
اللي عقد روس الحبال يحلهـا=

حــــــــــامد رضا

الايالظبيطـي لايهوجسـلـك الشيـطـان=
تـرانـا رجــالاُ نفـهـم العـلـم مهـمـاكـان =
وقلب الجبل نشعل بـه النـار والبركـان=
على الهون لاتمشين ياعقرب الساعه =
تــراك مـاجـبـت الـخـبـر لـــي يـالـغـلام=
الـبـرق يـبـرق والسـمـا كـلــه صـحــاح =
لــكــن لاتـتـعــب قــدمـــك بـلاجــهــود=
الـلــي عــقــد روس الـحـبــال يـحـلـهـا =

معزي الشلاحي

ابا المعذره باجاوبه صح يامطـران=
عينه مستديره طيركم وبرق الجنحان =
مدامه هذا علمه فلا يقضي الديـان=
على الهون لاتمشين ياعقرب الساعه =
ماقول غير العود جعله لرحـام=
عقبك تنصى القوم بايديك السلاح =
وليا هبتك طحت قدمي يالقعـود=
واللي عقد روس الحبال يحلهـا =

ابو عمــــــــــــــاد

علومي تجملني ورافع بها راسي =
ولاني من اللي في معانيه ينحاسي =
اداريك ونته للمشاعيب متواسي =
على الهون لاتمشين ياعقرب الساع=
مدام خطك يالعزيزي ماستقام =
منته بداري ويش قلنا يافلاح =
لطمة عيونك صايره من راس عود =
واللي عقد روس الحبال يحلها =

محمد العزيزي

عذرنا عذرنا مير ماهي ترى حاله=
تبانا نصفق لك تبي ناس دجاله؟؟=
عسى الله يبارك فيه ويزود امواله=
على الهون لاتمشين ياعقرب الساعه=

ماأقول غير العود جعله مايلام = ياشينها خنقتك في وسط المراح
كل الرجى في شايبك واقر الردود = اللي عقد روس الحبال يحلها

حــــــــــامد رضا

علومي تجملنـي وعلمـك علـي يهـون=
وانا ماشياُ دربي ولامشي بدون عيون =
اداريـك وانـتـه غــاوي وتتـبـع الملـعـون=
على الهون لاتمشين ياعقرب الساعه =
مـــدام ضـربــي يالظبـيـطـي فالـنـعـام=
مـافـيــه دكــتـــوراُ يـــــداوي لـلــجــراح=
والعـود فـي عيـن المعـادي والحـسـود=
الـلــي عــقــد روس الـحـبــال يـحـلـهـا =

معزي الشلاحي

سرى الليل وانا ياجماعـه رفيـع الشـان=
وعلى ابناء عزيز البيض تضفي كما الامزان =
اسلـم يامحمـد ثـم سلـم علـى حمـدان=
ولنـا لقـا ثانـي علـى العـز والطاعـه =
ماباقي الا الطيب ياعيال العمام=
ولا الردى مد الرديين الشحاح =
انتم وحنا ربع وعيال الجـدود=
اللي عقد روس الحبال يحلهـا =

ابو عمــــــــــــــــــاد

ياحامد تحمد ربك وعيش فـي صبخـاك=
تهن بطعامك يا قبيلـي وصافـي مـاك =
عسى خيركم ضافي على اللي سكن وياك=
على الهون لاتمشين ياعقـرب الساعـه =

ترى الضباطي صقر فوق الخصم حام=
واللي ضربته بالمخالـب ماستـراح =
وختامهـا خيـر الكـلام بلاحـدود=
واللي عقـد روس الحبـال يحلهـا=

سفير المهد · 02-20-2008, 01:32 AM

الليييييييييييل
صح لسانك يامحمد الله لايهينك

سفير المهد · 02-20-2008, 01:34 AM

علومي تجملني وعلمك علي يهون=وانا ماشياُ دربي ولامشي بدون عيون
اداريك وانته غاوي وتتبع الملعون=على الهون لاتمشين ياعقرب الساعه
مدام ضربي يالظبيطي فالنعام=مافيه دكتوراُ يداوي للجراح
والعود في عين المعادي والحسود=اللي عقد روس الحبال يحلها

سفير المهد · 02-20-2008, 01:36 AM

صح لسانك يابو عماد

سفير المهد · 02-20-2008, 01:38 AM

اليييييييييييييييييل
يعطيكم العافيه
ياشباب

سفير المهد · 02-20-2008, 01:40 AM

اقتباس:

المشاركة الأصلية كتبت بواسطة حامد رضا

علومي تجملني وعلمك علي يهون=وانا ماشياُ دربي ولامشي بدون عيون
اداريك وانته غاوي وتتبع الملعون=على الهون لاتمشين ياعقرب الساعه
مدام ضربي يالظبيطي فالنعام=مافيه دكتوراُ يداوي للجراح
والعود في عين المعادي والحسود=اللي عقد روس الحبال يحلها

صح لسانك يا ابو عبدالله
وبيض الله وجهك ابيات قوية

سفير المهد · 02-20-2008, 01:40 AM

الاخ/محمد العزيزي

بيض الله وجهك على هذا العب الجزل

واتمنى ان اكون قدمة ما ينال اعجاب الجميع

كما اتقدم بخالص الشكر لايدارة هذا المنتدى وجميع القائمين عليه

على حسن التنضيم وحسن الاستضافه كما اشكر جميع من شارك معنا دون
تخصيص واطلب المعذره إذا حصل مني اي تقصير وتصبحون على خير

سرى الليل وانا ياجماعه رفيع الشان=وعلى ابناء عزيز البيض تضفي كما الامزان
اسلم يامحمد ثم سلم على حمدان= ولنا لقا ثاني على العز والطاعه

ماباقي الا الطيب ياعيال العمام=ولا الردى مد الرديين الشحاح
انتم وحنا ربع وعيال الجدود=اللي عقد روس الحبال يحلها

سفير المهد · 02-20-2008, 01:48 AM

اقتباس:

المشاركة الأصلية كتبت بواسطة معزي الشلاحي

الاخ/محمد العزيزي

بيض الله وجهك على هذا العب الجزل

واتمنى ان اكون قدمة ما ينال اعجاب الجميع

كما اتقدم بخالص الشكر لايدارة هذا المنتدى وجميع القائمين عليه

على حسن التنضيم وحسن الاستضافه كما اشكر جميع من شارك معنا دون
تخصيص واطلب المعذره إذا حصل مني اي تقصير وتصبحون على خير

سرى الليل وانا ياجماعه رفيع الشان=وعلى ابناء عزيز البيض تضفي كما الامزان
اسلم يامحمد ثم سلم على حمدان= ولنا لقا ثاني على العز والطاعه

ماباقي الا الطيب ياعيال العمام=ولا الردى مد الرديين الشحاح
انتم وحنا ربع وعيال الجدود=اللي عقد روس الحبال يحلها

صح الله لسانك اخوووي معزي وبيض الله وجهك على ماقدمت وعلى هذه الختاميه الجميله

<<<وسلامك وصل هههههههه

وماحصل منك قصوور يالغالي
وتقبل تحياتي

سفير المهد · 02-20-2008, 01:49 AM

وصح بدنك يامعزي ولا يجي في خاطرك شي ترى الدعوه ملعبه وتوسيع خاطر

بس باقي يختمها اخونا/ ابو عماد

اللي ماقصر الليله

ولا انسى ابوعبدالله اللي تألق كعادته

والشباب اللي كانوا معنا في هذي الامسيه الرائعه

سفير المهد

ابوفارس العزيزي

رفيع المقام

ابوماجد

ابن سحمان

العزيزي2020

واخونا واصل عزيز اللي تمنينا انه يكون معنا

ولنا لقاءات ثانيه ان شاء الله

سفير المهد · 02-20-2008, 01:51 AM

الاخوان رفيع المقام

و

ابو فارس

عشتو وصح اللة ابدانكم

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات