القصيده للشاعر والأعلامي/ عبدالله بن حمير القحطاني مدح مطير

كنت أنا اسمع بالمطيـري والنذالـه
لين مـا جربتهـم تجريـب باخـص
وهني منهـم علـى الشـده رجالـه
كامليـن وماشتمهـم غيـر ناقـص
مايـجـي والله لأرداهــم نعـالـه
الخسيس اللي حياته فـي المراقـص
من مثل حمر النواظر فـي الشكالـه
والجمل ما يزعجه قرص القـوارص
منوة اللـي مـا تحقـق لـه منالـه
عزوة اللي له يصير العمر راخـص
الوفـاء و الطيـب كاسيهـم ظلالـه
و الكرم ليمن بخل بالمـال حـارص
خـوة ٍ فيهـم مهـي خـوة جمالـه
و الله انهم مثـل بنيـان متراصـص
العـدو لا شافهـم ياشـيـن فـالـه
بين ذرقت ذارق ومغصـات ماغـص
ان مدحت مطير .. مدحي وش مجاله
سيرة ٍ وانفتحـت ومانيـب خالـص
البحور اتجـف مـا سجلـت حالـه
هم سما و الشعر نجم وطاح ناقـص
طيبهم والطيب يظهـر مـن خلالـه
مجدهم ما يقنصـه مليـون قانـص

صح لسان ابن حمير
وسلم نقلك
لك مني ارق واجمل التحايا

صح لسان الشاعر المخضرم ابن حمير

ولا هنت على القصيدة الرائعة،،،

صح لسان إبن حمير
وتسلم يمينك الي نقلت هالقصيدة