الحمــــــــــــامـــــه

السلام عليكم ورحمة وبركاته

هذي القصيده نضمتها وحفضتها في مخيلتي

لم اكتبها على ورق وحبر

الا لكم

اليكم القصيده واتمنى ان تعجبكم

على الغصن الخضر ناحت حمامه=وانا ونيت في راس العدامه
اجر الصوت لو مايسمعونه=ومش الدمع بطراف العمامه
وجودي كل مايطري عليه= وجود اللي غريمه من عمامه
وعمه شيخ هرجه من يرده=زعيم وسلموه امر الزعامه
مصدق لو يقول اللي يقوله=مابين الناس ياكبر احترامه
جمع ربعه وقال العلم جاني=وانا ما ساقني غير الشهامه
فلان وكل ابوكم تعرفونه=حرام يحط له حتى طعامه
خبيث وفعلته مثله خبيثه= مع العربان ما تبنا خيامه
تهمه وكل هذا لجل ماله=ولا فرق حلاله عن حرامه
جفاه وكل ربعه جافيينه=ولا احدن ناشدن حتى علامه
وقفى ما درى من وين جاته= يالو بالحق لو كان اتهامه
ينوح ومن سمع يا ناس نوحه= يمر الليل كله ماينامه
يقول الرجل ماله غير ربعه= حزامي يوم كلن له حزامه
ابسكت والسكوت اخير وارحم=بحال اللي سواتي من كلامه
وخلاها وهو ما هو بهين=وفي قلبه من الاقراب شامه
وهذي حالته وانا بحاله= على من هو نساني ببتسامه
احبه لو تقول الناس عني =علام الرجل ما يرفع مقامه
لأني لو بغيت اخفي شعوري= فحبه بان في وجهي علامه
جرا مجرا دمايه في عروقي=تخالط دم جسمي مع غرامه
وحبن بالشرف ماهو محرم= ولاهو عيب لا صابت سهامه
وعذري لو بغيت اجيب عذري= مزاحمني وانا مقوى زحامه
احبه حب ما هو حب عادي=ولا شحيت لو شح بسلامه
وشكوى للبشر فيها مذلَه= ولا نجني سوى منها الملامه
ولا يالله يسرها تيسر=ورجوانا من الدنيا السلامه
وعمر الادمي لابد يطوى=بحفره موحشه تجمع عظامه
ويذكر ما مضاله في سنينه=ويندم يوم ما تنفع ندامه
وكل انسان نفسه دوب نفسه=يشيب الطفل من يوم القيامه
كلامن كل ابونا عارفينه= ويحجبنا عن الواقع غمامه
اقوله لو انا عبدن مقصر= بجاه الله نوره عن ظلامه