▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

في هالزمن يحتاج للحب تصحيح
بعض الاوادم ما خذينـه دعابـه

وبعض الاوادم فالمحبه مشافيـح
والبعض منهم يحسبونـه انهابـه

وانا عشقت الزين من دون تلميح
القلب حطه في حشـاه وسرابـه

يا ناشدين القلب مـا ودي ابيـح
العشق وسط القلب محد ٍ درابـه

يا دمع خلك داخل العين لا تسيح
ما ودي العذال تكشـف غيابـه

محظوظ ياللي ما بقلبك مماليـح
ما تشتكتي هم الخفوق وعذابـه

ومسكين ياللي تبكي الليل وتصيح
ويهل دمعك مثل وبـل السحابـه

من غاب خلك دايم تقوم وتطيـح
عايش بسبة غيبته فـي كآآبـه

الحب خلـه للقلـوب المشافيـح
وللي يقول الحب لعب ودعابـه

وانا بصرّح للمخاليق تصريـح
من شخص شيب في بداية شبابه

القلب مغلق باغي شوي تصليـح
والحب في قلبي صكيـت بابـه