▓▓▓◄◄ على الثرى وعيوننا فـ الثريا ۞ ما نعشق الهين وماننتمي لـه ►►▓▓▓

	البآرحه صدر الجنوب يضيق وأسوق الحسوف وين أنت يا صدر الشمآل .. إحتجت للفزعه تعآل :: ورّدت مجآهيم الليآل إحيام و ريآحي شعوف من يوم وقـّفني بدرب العشق يسألني سؤآل :: يالله عسى بعض الغلآ يا قآيد الغيد مخلوف إن ما رجع ربحه علي .. الله يرده رآس مآل :: كم لي و أنا تكويني الدنيا على روس الكتوف و أشيل ما لا أطيق من شآنك و أحملها الجبآل :: و مديت لك ريحآنة الأشوآق في بيض الكفوف قبل يجف العطر و الأشوآق تدفنها الرمآل :: و يآمآ على شآنك تحملت الخنآجر والسيوف و يآمآ على شآنك ليآ من ضقت شدّيت الرحآل :: وقـّفتني بـ الشآرع الضيق و ممنوع الوقوف مسآر واحد و المصيبه لا يمين و لا شمآل :: تقول طوفها معي و أقول عيّت لا تطوف أجيبها منا تجي منا و لا فيها مجآل :: و الحب ما ينفع معه فزعه .. و لا واو معطوف الحب لو زآلت جبال الأرض ذكره لا يزال :: يرقى على حبل الوصآل و يخدمه نبض الحروف شوي من نسج الغلآ .. و شوي من نسج الخيآل :: وش عاد لو غنيت طآروقك و صفيت الصفوف صفٍ يبا يآقف معي .. و صفٍ ليا من رحت شآل :: والله لـ تبطي ما وصلت أدنى موآصيل الهنوف الجآدل اللي دمعها لا رحت وإلا جيت سآل :: الجآدل اللي طيفها عندي و لا كل الطيوف أم الحلآ .. أم الغلآ .. أم الدلع .. أم الدلآل :: اللي هدآيآهآ ملت كل الزوآيا و الرفوف يطلع بـ طلـّتها بدر و يغيب لا غآبت هلآل :: وأنا أقدرهآ مثل تقدير حآتم لـ الضيوف و أطرب على فيـّة غلآها كل ما مآل الظلآل :: واعيشها عيشة عمر ما بين أمن و بين خوف وأزرع لها شعري وهي تسقيه من غيث الوصآل :: حتى خذتني عشق و أنا أخذتها رغم الأنوف و أسكنتها روحٍ عن إهروج البشر منفى إعتقال :: و إلا أنت قربك ما يشجعني و فرقآك إمعروف إقلط على نزف الشعر و الفآل يقفآه العقآل :: حتى لو أنت ألذ من تمر المدينه و الهفوف إرحل ترى أيآمك خضر لكن ترى إسنينك هزآل الشاعر ..// محمد بن مريبد العازمي