قصيدة العزيزي دعما لقضية ابن الذيب

هذه قصيده لدعم قضية ابن الذيب اتمنى ان تنال استحسانكم
اخوكم فهد بن خالد العزيزي

الا يا اهل الدوحه والا يا اهل الريان= امانه امانه كان ها الصوت توحونه
سـلامــي امـانــه يــاصــل مـهـلـهـل الـقـيـفـان=لـبــن راشـــد ان كـنـتــم غــشــم ماتـعـرفـونـه
إلا ويــــن يــــام و ويـــــن قـبـيـلــة الـعـجـمــان=لـهــم فـعــل كـــل الــنــاس قـبـلــي يـعـدونــه
يـقـولـون لا مـــن صـــار فـيـهــم ولــــد جــبــان=قــبـــل لا يــجـــي رجـــــال ربــعـــه يـذكــونــه
اســودن مــن الـدوحـه الـــى قـاصـيـة نـجــران=ولـــدهـــم لا يــمــكــن يـامـحــمــد يـكــبــونــه
نـبـي واحـــدن بـكــره مـثــل شيـخـهـم راكـــان=يــقــف مـوقـفــن كــــل الـخــلايــق يـعــدونــه
ولا انسـى محلفكـم يالمشاكـيـل مــع قحـطـان=وقـحـطــان عـــــز وحـلـفـهــم مـــــا يـخـلـونــه
هــل الحـربـه الـــي ضـربـهـا يـكـسـر الـعــدوان=مـــحـــازم ضـــفـــر وحــزامــهــم مـايـرخــونــه
وانـــا والله انـــي مـــا امـتـهـن مـهـنـة الـفـتــان=وانــا اقـــدر خـطـابـي وانـــا اعـــرف مضـمـونـه
احـاكــي رجـالــن تـــدرك الــرمــي بالـنـيـشـان=رجــالــن جـمـلـهـم فــــي رسـنـهــم يـقـدونــه
وانـــا مـــن قـهــر غـنـيـت يـالـذيــب بـالالـحــان=اجـــاوبـــك يــاذيــبــن تـشـوقــنــي لــحــونـــه
خـذوهــا خـذوهــا ياجـمـاعـه عـلــى الــذرعــان=تــــرى ابـلـيــس مـلـعــون وتـوابـعــه مـلـعـونـه
تـرى الذيـب يبقـى ذيـب لـو هــو ورى القضـبـان=ولا اضـــن صـــوت عــــواه يـمـكــن يحـجـبـونـه
واذا فـيــه ذيـبــن داخـــل الـسـجـن يالـسـجـان=تـــرى غـيــره ذيــابــن ولا هــــي بمـسـجـونـه
والايــــا مـحـمــد ضـايـعــه شــوكــة الـمـيــزان=بــعـــد خـــــف مــيـــزان الـعــدالــه وقـانــونــه
هــل الطـيـب تسـجـن دون ذنــب وبــلا بـرهــان=وهــل المـسـكـر بتـصـريـح رسـمــي يبيـعـونـه
ماتـلـجـم افـــواه الـحــق يـاحـضـرة السـلـطـان=تـــرى الــحــق صـافـيــن الـضـمـايـر يـقـولـونـه
وابـــا اقـــول كـلـمــة حــــق مـاقـالـهـا جــبــان=يـــمـــوت الــجــبــان ولا يــعــبـــر بـمـكـنــونــه
فـضـيـحـه عـلـيـكـم ويــــن حــريــة الانــســان=علـى اتفـه سـبـب فالسـجـن بالظـلـم ترمـونـه
لــك الحـمـد يالله عـشـت فـــي ديـــرة بلـيـهـان=ابــــو مـتـعــب وحــريـــة الـــــراي مـضـمـونــه
ولاعـشـت فــي ديـــره بـهــا اليـعـربـي يـنـهـان=نموت وكرامتنا حصينه ومصيونه

منقول من منتدى مجالس العجمان الرسمي

بعيدا عن شاعريت الشاعر فهد

لكن القصيده
للاسف لم تنال استحساني

وشكرا على نقلك اخي خالد

أنا يوم شفت العنوان

أحسبها في بعض الناس

شكراً على النقل

سلم نقلك اخي خالد
وصح لسان فهد خالد

بارك الله فيك اخوي خالد العبيداني واستاذنك بتنسيق القصيدة

الشاعر فهد خالد رائيت له الكثير من القصائد وتعجبني جزالته وقصائدة المميزه

وان كنت لا اتفق معاه بهذه القصيدة فاجتناب بعض الأمور خير من الخوض فيها

والمعنى هنا جزالته وابداعه فصح الله لسانه واتنى له المستقبل الزاهر والمميز

وطاب مقامك ولا هنت على النقل

مثل ما ذكر اخونا النجم المميز بهذا الموقع محمد الذيب حسبتها لذيب بني عزي محمد الذيب

صح لسانك يافهد وتسلم على النقل ياخالد تقبل مروري

شكرا لمروركم العطر جميعا
اخوي محمد الذيب ممكن تقولي من هم بعض الناس
اخوي واصل عزيز ممكن تقولي من هو محمد الذيب العزيزي وماهو الشي الي يستدعي ان فهد بن خالد يكتب قصيده عشانه
تقبلوا تحياتي وشكري

السلام عليكم ورحمة الله وبركاته
شكرا من الاعماق يابو احمد على النقل
لكن عندي اتفار بسيط للاخ محمد الذيب وانا والله ما عرفه وهذا جهل مني وليس تقليل في محمد لكن العنوان مكتوب دعم لقضية ابن الذيب واذا عندك قضيه وتحتاج الدعم فيها ابشر ومانغير ماتطلب انت تامر امر
اما من انتقدني في خوضي لهذا الموضوع احب اوضح لكم شي وانا منكم وفيكم واقبل توجيهكم ونقدكم
انا تشرفت بأن تم دعوتي من قبل القائمين على حملة كلنا ابن الذيب وتم اختياري للمشاركه علما ان المشاركيم هم عمالقة الشعر في الخليج ابتداء من مدغم ابو شيبه وابن بديع وابن جخير و الخ
واختاروا ولد عمكم العبد الفقير لله من ضمنهم فشاركت معهم اذا وفقت في قصيدتي فهذا من فضل ربي واذا اخطأت من نفسي والشيطان وانا لا استغني عن توجيهكم ودعمكم
ولكم مني كل الحب والتقدير

المشاركة الأصلية كتبت بواسطة فهد بن خالد

السلام عليكم ورحمة الله وبركاته
شكرا من الاعماق يابو احمد على النقل
لكن عندي اتفار بسيط للاخ محمد الذيب وانا والله ما عرفه وهذا جهل مني وليس تقليل في محمد لكن العنوان مكتوب دعم لقضية ابن الذيب واذا عندك قضيه وتحتاج الدعم فيها ابشر ومانغير ماتطلب انت تامر امر
اما من انتقدني في خوضي لهذا الموضوع احب اوضح لكم شي وانا منكم وفيكم واقبل توجيهكم ونقدكم
انا تشرفت بأن تم دعوتي من قبل القائمين على حملة كلنا ابن الذيب وتم اختياري للمشاركه علما ان المشاركيم هم عمالقة الشعر في الخليج ابتداء من مدغم ابو شيبه وابن بديع وابن جخير و الخ
واختاروا ولد عمكم العبد الفقير لله من ضمنهم فشاركت معهم اذا وفقت في قصيدتي فهذا من فضل ربي واذا اخطأت من نفسي والشيطان وانا لا استغني عن توجيهكم ودعمكم
ولكم مني كل الحب والتقدير

هلا وغلا بشاعرنا فهد

لا يلحقنا شك في شاعريتك وتلاعبك بالمفردات والكلمات الجزله
وانت خير من يمثلنا في اي محفل ولا يلحقنا شك ابدا في تمكنك من حبك القصيد

ولك رساله على الخاص قريبا ان شاء الله

يا ابو تميم انت مبدع و شاعر عن حق وحقيقه