الصمت ماهو بنسيان

قصيده منقوله أعجبتني
ماأعرف قائلها

راسك علامك رافعه يوم أحاكيك
الظاهر إني فوق حجمك عطيتك

لحظه .. نبي نرجع دقيقه لماضيك
بذكرك في أي حاله لقـــيتك

كان الضياع ودمعتينك تخاويك
منهار في عز انهيارك خذيـتك

وارخصت عمري لجل احبك واداريك
هدمت قصر الذل فيك وبنيـتك

كان الغلا شمعه تنور لياليك
لو اظلمت دنياك جيت وضويـتك

ياللاسف كنت امدحك وافتخر فيك
رفعت من شانك وعليت صيــتك

كنت انت .. عندي غير مقدر اخليك
اموت واحيا ان قلت سم وفديـتك

واليوم اشوفك خنت حتى مباديك
صغرت في عيني وانا اللي هويـتك

الضيف لو انه عدوٍ معاديك
غصبٍ عليك تقدره وسط بيـــتك

ياصاحبي بتموت ماني براجيك
واشره علي انكان حتى طريــتك

لاصار ذل النفس في قلب يغليك
يلعنك ياقلب ٍ عشقك وشريــتك

اضحك حبيبي دام وقتك مسليك
بكره تموت من القهر لا نســـيتك

محاورة قديمة جداً بين كلا من الشاعر الكبير هليل السيالي الجهني والشاعر محمد الجبرتي



هليل الجهني

سلام الله سلام انشا علي روس الجبال خيال * وكأن الله قسم سيله عليكم يحتمي جاله
نظرناكم عرفناكم عرفنا اللي لكم في البــال * ولاهو كل واحد جاته الدنيا علي باله


محمد الجبرتي

هلا يامرحبا ترحيبة الرجال بالرجـــــال * لكن الناس لا تدخل ما بيت العود وعياله
عرفتونا وجيناكم نبا من كيفكم فنجـــــــال * لكن الكيف يهل الكيف من حمسه وعداله


هليل الجهني

عسى فيك البقا ياشاعر تضرب به الامثال *وابشرك بخوي يرضيك إذا ما سيق فنجالة
خلقنا الله وصورنا وخلا للثقال جــــمال * جمال تشد عضله واحد الله عالم بحاله


الجبرتي

حضرنا وانتصرنا فالفرح والله لها حلال * وانا عيني تراعي مشلح الرجال وعقاله
ولاكن الليله المعنى سواة اهلال فوق اهلال *هلال في السماء وهلال بين الشمس وخياله
هليل

الا يالله طلبتك يامبدل حال بعد أحـــــوال* محمد جابه الله لي من دون اتعـــنى له
نسد العشر بالعشرة وبدل بالريال ريال* ليا من أمتلي الجدول نسوي جدول بداله


الجبرتي

اذا مات الجمل ياصاحبي وش حالة الجمال* لاكن الي يبي يقدر علي حمل الجمل شاله
ابأخذ منكم الطيب وبترك منكم البــــــطال * وشغلك ياهليل يخرب الصندوق وقفاله

هذه المحاورة الرائعة جرت بين الشاعرين العملاقين (المعنى) سعدبن نايف البقمي (رحمه الله ) ورفيق دربه الشاعر الكبير خلف بن هذال ابان العصر الذهبي للمحاوره
المعنى

سلام من المعنى والنخل في داخل الصندوق
لها مفتاح مـن داخـل ومفتاحيـن برانـي
تجيكم من حدر ولا تجيكم ياخلف من فـوق
لا غاب الصاحب الاول يجيك الصاحب الثاني

خلف

ولا يامرحبا ترحيبة تقنعـك يـا مخلـوق
وانا با حذف مفاتيحك ورا صنعا ونجراني
علامك يالمعنى غبت عني واسترقت الطوق
وانا خابرك ساحر حامل(ن) خاتم سليماني

المعنى
علامك يا خلف ما تعرف البطه من الغرنوق
تنشدني مـن الليلـه وكـن انـك تحدانـي
أنا من فضل رب البيت لا سارق ولا مسروق
كتبت اسمك على كفي ولا جيتـه ولا جانـي

خلف

تصافق بك هوا الدنيا وصرت اسود بدون عروق
وان خابرك مليـان الظهـر والصـدر مليانـي
ترى بعـض المعانـي يالمعنـى ماعليهـا ذوق
تباعدنـي وتقربنـي وانـا راضـي وزعلانـي

المعنى

أنا بانشدك يوم انك فطين وفاهم بالسوق
وش اللي فالبلد يحط له مشمش ورمانيى
لعل الله يبدلها وينظر حالـة المخلـوق
ليا فتحت بيبانـك وان فتحـت بيبانـي

خلف

هذاك اللي يبيع المسك والريحان مابه عوق
لكن اللي يبيع المسلمه في ديـن نصرانـي
توقع لا تفقع يالمعنى ثـم اسوقـك سوق
تراني خصمـك الاول وخابرنـي وتلقانـي

المعنى
ألا ياشين وجهك يا خلف مع دقنك المحلوق
علامك زارع لك فالبلد مشمش وريحانـي
حمامه ياحمامه لبسوها بالذهـب والطـوق
وانا اللي باكل العتبان باغيهـم وجيعانـي

خلف

زرعت الطيب فالطيب ولا لاحق ولا ملحوق
وهذا ذخر ابوي وذاخـره جـدي لجدانـي
بروق تلوح فالمغرب وفالمشرق تلوح بروق
ولا أدري وش يصير اليوم في دار العريباني

المعنى
زرعنا الزرع لكن ماله وسط الرسيب عروق
تقوله ياخلف يوم الله اعطاكم ولا اعطانـي
حمامه يا حمامه وين ودوا بيضها المسلوق
يقوله من نقل جده وحلـت وسـط عمانـي

خلف

سقاك الغيث يادار ربا فيك الملـك فـاروق
ياليته شال بعض الناس فالمركب عن اوطاني
يقولون الرجال رجال تلقى للحقـوق حلـوق
ورجل ما يقوم بحـق يارجـال خسرانـي

المعنى

مين اللي ياكل الخبزه مين اللي ياكل المرقوق
نبى نمسك هذاك الخط من شانك ومن شاني
ألا يا طول ليلك ياخلف لا تطـول الطـاروق
بدت بين البقوم وبين حرب وبيـن عتبانـي
خلف

أنا مارضى عليك خلاف لكن حسن المنطوق
تراني حافظ يمناي عن صفقتك و لسانـي
منسم راسك الاعلى وقلبك ناقصه معلـوق
مطيبك فالسنين الماضيه خفخاف وجنانـي

المعنى

جملنا يا جملن تاكل العالم بدون شدوق
ليا منه ثبت راس العتيبي فوق الامتاني
أنا قلبي محله وانت قلبك ياخلف مفتوق
ليامنه تنحى الليل مع سارق وطعانـي

محاوره جميله بين الجبرتي والحضرمي

الجبرتي

سلام الله برديه يابكر بناخي السلمان ******* ابثني بالسلام اثني على حضرة بناخينا

ذكرت انك تدورني وتنشد عني العربان******* بعد دورتنا جيناك وانته مانت شانينا


بكر
هلا يامرحبا باللي لفا في ساعة الرحمن ****** تراحيب الوفا باللي نهار اليوم لافينا

انا لو جيت ادوركم وجوب ادور الخيلان******* وهذا طبعنا ننشد عن الحصه وعانينا


الجبرتي
لزوم انك تجينا في ديرنا والديار امان ******* تجينا ياعميل الخير في سرة مشاحينا

ديار سليم فيها معسريه كلها ضلعان ******* ولايصلح لها الا جيش والا ناس ماشينا


بكر

انا في واجبي ما قول متواني ولا تعبان ****** واذا جالك لزوم وشفت وان الحق واطينا

ديركم ماعضتنا من قديم الوقت لا ذلوان******* نجيكم فالسهل والا على روس الضلاعينا


الجبرتي

اظنك يابن اخي ماتوافقنا على ماكان ****** وحنا يابكر ماناكل الا من مواشينا

ترى ماعندنا غير اللبن والتمر والقرصان ******* وحنا نعطي الخطّار والخلاق يعطينا


بكر

انا حضري مع الحضران وبدوي مع البدوان ******* على وضح النقا واللي يجزيكم يجزينا

وانا ماني من اللي ياخوالي يشمت العربان ******* لا ابغى حال يعظيكم ولا ابغى حال يعظينا

فكرة واعطيتلي ونه ............................. فكرة في القبر وحسابه

من يعمل الخير في الجنه..................... ومن يعمل الشر يجزابه

إيامنا ماعليها مقيم............................. وين الذي قبلنا فيها

في الارض حطو لهم ترسيم................ راحو وخلو مبانيها

أعامل الناس بالظاهر ................................. واكثر قلوب الاوادم سود

الذيب مايرقدهنيئاً إذا جاع........................ غصبن على الراعي يحول على الضين