ماهو البيت الذي يجي على بالك ...... لاضاق صدرك؟

مرحوم ياحبٍ ترعرع بالأعماق
متغذيٍ دم العروق الصّخافي
في كل عضو له مقر وميثاق
بين الضلوع العوج بيّن وخافي
يروق مع روقة مزاجي اليا راق
ويحس بي اليا لحقني أخلافي
ويحس بأشواقي اليا صرت مشتاق
قدّام يصبح فالامور اختلافي
واليا هنا علقّتها فوق معلاق
سليتي سكين الخيانه ياكافي
ودعتك النسناس ياورد الأشواق
كرامتي تحكم علي الانصرافي
قطفت منّك ما تهيّا وما لاق
ورميت باقي ذكرياتك خلافي
لا دمعتي راقت ولا خاطري راق
ماقول غير اللي على البال كافي
يكفي ثلاث سنين مرّت على ساق
عين فراش لك وعينٍ لحافي
واليوم في تسعه وتسعين طقاق
قلبي كذا طبعه اليا عاف عافي