تعالوا شوفوا صورة حبيبتي

السلام عليكم

تكون جالس انت وواحد من ربعك او مجموعة اصدقاء في استراحة او كوفي او بر

المهم مكان تجمع وتسمع نغمة رسالة يفتح صديقك جواله ويجلس يطالع فترة

وبعدين يمد لك الجوال ويقول شرايك تاخذ الجوال وتطالع صورة بنت رازة

عمرها ومتزينة_بغض النظر عن مستوى الجمال_ طبعا ترد بوجهة نظرك وانت

ياغافل لك الله ماتدري وش القصة وصديقك يعدل شخصيته ويرز عمره اكثر

ويقول هذي حبيبتي او خويتي او .. او.. بغض النظر عن المسميات وطبعا

لو صارت الجلسة لأكثر من واحد الجوال بيتنقل بين الربع كلهم

هذا موقف تكرر عند اكثر من شخص عرفتهم واتعجب من الشاب اذا مروءته

تسمح له يسوي هالشي لكن البعض يقول تستاهل البنت لانها ارخصت نفسها

وارسلت الصورة للي مايستاهل وايضا فيه من قال يا اخوان البنت قلب

مرهف عشق وتهور وعقب ببيت الشعر المشهور :




فاتقوا الله في قلوب العذارى
فالعذارى قلوبهـن هـواء



الموضوع لكم الان وأسعد بطرح وجهات نظركم