ديوان الشاعر رويضي وسمي العزيزي

اخواني 00اخواتي

السلام عليكم ورحمة الله وبركاته

انابني شاعرنا المتالق دوماً رويضي بن وسمي العزيزي

بانزال هذه القصيده التي القاها في الزواج الجماعي لـ(الزهاميل من الصواونه من بني عزيز)عام 1433هـ

وشاعرنا غني عن التعريف ويعرف بمفرداته النادره والفريده

سخر الابجديه حتى اشبع ذايقة كل متذوق للشعر العربي الاصيل وهاهو يشدوا بهذه المعزوفه الشعريه على امل ان تنال اعجابكم

يامرحبا ترحيبةٍ احلى من ثمر هدب الجريد=ترحيبةٍ تسبقها صفر الدلال وهيلها
للغانمين اللي لفونا من قريب ومن بعيد=حضورهم تزها به الحفله وينور ليلها
الليله اللي تجمع كبار النشامى ليل عيد=ماكنها الا ناوت(ن)يسقي الضوامي سيلها
جمع النشامى راس مال اخيرمن جمع الرصيد=اللي لهم وقفات في عدل الليال وميلها
ياهل العقول النيره والعرف والراي الرشيد=الارض طار غبارها والقوم (عنت)خيلها
والعز بالله والتكاتف مع(هل) الراي السديد=(ال السعود)اللي ترد ترد اهل العيل عن عيلها
حكامنا سور البلاد مرويه شذر الحديد=نصغي لها والا دعاة الشر مانصغيلها
والدين عز ومن تهاون فيه ماحضه سعيد=(ياوي) امانه كلف الله العباد بشيلها
واهوال بقعاء كل يوم وظاهر(ن)شيٍ جديد=السحب ترعد في سماها والبروق نخيلها
دام الخطر ماجود والعدوان للامه تكيد=مايذبح ام جنيب من يضرب طوارف ذيلها
لاصار ماتضرب بسيفٍ مثل سيف ابن الوليد=يقضي عليها في معاقلها ويبرد حيلها

مشكور يابو فيصل وصح لسان شاعرنا رويضي

المشاركة الأصلية كتبت بواسطة البتار

مشكور يابو فيصل وصح لسان شاعرنا رويضي

اخوي البتار

اسعدني مرورك

سلمت يمناك ولاعدمناك ابوفيصل
وصح لسان الشاعر رويضي بن وسمي

المشاركة الأصلية كتبت بواسطة الليث

سلمت يمناك ولاعدمناك ابوفيصل
وصح لسان الشاعر رويضي بن وسمي

الله يسلمك اخوي الليث

ولاشكر على واجب 00واجب علينا خدمة الطيبين مثلك ومثل ابو نايف

اسعدني مرورك العطر