خليــف (مهيب الشعار) و الشاعر الكبير عيد بن مربح

السلام عليكم ورحمة الله وبركاته

للعلم انا من اشد المعجبين بالشاعر خليف بن دواس وهذا احد طواريقه

الرائعة الذي ابدع فيها وتميز اترككم مع المحاورة




خليف ابن دواس


سلامي ردية وانا طرقي وادورلي بعيـر
من عينة لي ياهل مهدالذهب واهل القرى
شكلة جمل مثل الجمال وجرتة جرة حمير
كنه جمل والذيل ذيل العير طوله من ورى





عيد بن مربح





يامرحبا ياللي علي بعض الاثر شوفك ضرير
مادام هذي شريت المطنوخ ليتـة ماشـرى
انا غني النفس ماطلب رزق من مد الفقيـر
يطلع على قمة كري وشوي ينزل من كري





خليف ابن دواس




حنا ليا منا سمعنا في المواقف دق زيـر
لازم نزور من الزنوج اللي تطق الطمبرى
انته يجرك يمّنا في مامضي سلك الحرير
ومطير ماتشفق بعد علي سوارح خيبرى





عيد بن مربح



افتح عيونك للدواء ونحط لك فيهـا ذريـر
واعلمك طبع الهنود اللي في هالوقت اخشرى
وبشاءة اللة غير ترغي يالجمل عقب الهدير
اقري عليك مذكرة واخفـي عليـك مذكـرة





خليف ابن دواس



اهل الذبيحة من شواها ينطلـون ابوكبيـر
دايم يطشونة علي شان الجري وام الجري
اللة رمي بك يالرشيدي وسط حفرة زمهرير
حلقك يذوق السم وانته تحسب انة سكـري





عيد بن مربح



لاطال سيفك بالقشر سيفي تري ماهو قصير
تشرب علي هداج والشيطان مكرم وعوري
ياللة تستر عورة المسكين بالثوب الستيـر
ويدوم حكم اخوات مريم هم وستر الانوري





خليف ابن دواس




عادت حويل الخبل عينة كل ماشافت غديـر
قالت نبي نردة وهو ذاك السراب الاعبـري
اليا وصلت الهاجري قلة يقول لـك الاميـر
بيني وبينة حضرةالمندوب خشمة في خرى





عيد بن مربح

انته تشوف الناس في عيناً تقل قوطي عصير
ماظن هذي من سعه هذي عناويـن الـزري
والهاجري ماللة بلاه بخوتـك حظـة كبيـر
اليا وصلك المرسول حبـة ثـم رد البـري






خليف ابن دواس




احيان رزقك من ذرة واحيان رزقك من شعير
وان كان مايرضيك لك عندي طعام مزعفري
انته ودكتورك وفيد خليـف دواس الصغيـر
وليا شريت سويكلي صاحبك يشري بربـري


محمد العزيزي

مشكوووور محمد العزيزي على هذه المحااوره
وفعلا خليف بن دواس شاعر كبير وعلم من اعلام المحاوره وكذلك عيد بن مربح الرشيدي
ومحااوره جميله وممتعه من النووع الثقيل

سفير مرورك أضاف روعه للموضوع



لاهنت

مشكور اخوي محمد والله انك ما قصرت

خليف بن دواس من افضل الشعراء عندي

ولو انه على طول يخربها مع الشعار ما يطولون معه

وعيد الرشيدي كذالك من كبار الشعراء ولو ان الذي امام خليف غيره ما قابله
كان زعل بدري ومشاء بس هو يرد عليه بالي الله يجمله

وتحياتي لك يا محمد ولذوقك المميز

شكراااا أخوي
يعطيك العافية

محمد العزيزي
مشكور
ويعطيك العافيه