عشق ومعاناه

اه من جـــــف(ن) له ايام ماذاق المـــــنام
ســـــــــاهر(ن) ياناس والليـــل عيا يرقده
واه من قلب(ن) تولاه واعماه الغـــــــــرام
هم(ن)يصــــــــــبح وهم(ن)يجيه ويهجده
هــــــــمت في بحر الهوا لين خلاني عدام
كل ماحليت لي حبل جــــــــا من يعــــقده
ناحل حالي وجسمي مافيه الاالعـــــــظام
من نشـــــــدني قلت له رح لغيري ونشده
ودي اسلا مير لاشـــــــفت لباس اللـــــثام
رحت فيهامير يالله عساني ما افــــــــــقده
اتولع فيه واهــــــــيم في بحـــــــره هــيام
حتــــــــــى لو اني ما اعرفه ولا اعرف بلده
رحت لي لمطـــــــــوع وشيخ وماذن وامام
يقضي الاوقات من بيته اللي مســــــــجده
قلت له ياشــــــــيخ تكفى ترا عندي كــلام
يالعلك تفـــــــهم اللي بقلبي واقـــــــصده
قال واضح في عيونك وله عشرين عـــــام
مير طعــــــــني واذكـــر الله ربك وعـــــبده
قلت ويش ادواه لعــــــل عودك للرحــــــام
قال لي قرب وقربـــــــت يدي من يـــــــده
ومدي لي يمناه وسلم وطول في السلام
وقال لي من يترك العشـــــق ربي يسعده
قلت له ماهو بكيـــفي لاتلحقني مـــــــلام
الهوا لامن غزا القــــلب جيشه يحـــــشده
وزبده الموضوع مافيه شي(ن) في الختام
كلها عشـــــق ومــــــــعاناه والرب احمده

عايض نور العزيزي

صح لسانك قصيدة جزلة
سلمت وسلمت اناملك التي خطت هذهـ القصيدة
تم النشر على تويتر
https://twitter.com/beni_aziz
تم النشر على الفسبوك
http://www.facebook.com/profile.php?...50&ref=tn_tnmn

حي الله ابو نور
طولت الغياب وجبت شعر جذاب
يعجبني قصيدك ويجذبني اوبحر مع الخيال
التي اجدها مع جميع ابياتك اوقراها اكثرمن مره
صح لسانك واعتلا شانك وتقبل ارق واعذب تحياتي

صح لسانك اخي عايض

ابيات رائعه وجميله

المشاركة الأصلية كتبت بواسطة الليث

حي الله ابو نور
طولت الغياب وجبت شعر جذاب
يعجبني قصيدك ويجذبني اوبحر مع الخيال
التي اجدها مع جميع ابياتك اوقراها اكثرمن مره
صح لسانك واعتلا شانك وتقبل ارق واعذب تحياتي

البقا فيك وطولت الغياب للظروف احكام

اهلا بك اخوي أبو نور
وانت من بيت الشعر والجزالة فجدك وسميك عايض الرقابي
اسطورة الشعر والجزالة ولا يستغرب منك الشعر
صح لسانك وطاب مقامك