ديوان الشاعر ثواب المندهه

قصـيدة فـي عايـض بن زيـد المــندهه شيــخ بنــي عـزيز رحــمه الله
للشــاعــر/ ثـــواب بن مــعاصــب المـــندهــــه

يالله يــالــلــي مـاتـرددعـطــايــاه =ياواحـدن تـبـدي وبـأمـرك تعـيـدي
أفرج لشيخن بالمرض زاد شكـواه =الناس تسعى والمشاكـي تزيـدي
المندهـه ياجاهلـن فـي سجـايـاه =أنشد وتلقى لـه فالأمـه شهيـدي
اللي مضى يوم أهل الشور تنصاه =في مقدمتهم مثل سيفن حديدي
واليوم أشوف الشوف قـام يتعـداه =ماكـن ماضـي لـه فالأيـام عـيـدي
وحنا مشينا بـه علـى كـل مجهـاه =نبغـى الـدواء مـار الـدواء مايفيـدي
يالله تجـعـل جـنـة الـخـلـد مـــأواه =يـاواحـدن تـأمـر عـلـى مـاتـريـدي

وعليكم السلام ورحمة الله وبركاته

يا هلا فيك يا فيصل

صح لسانك ولسان جدك أطال الله في عمره

ننتظر جديدك و نتمنى إيرادقصائد جدك

تحية عطرة مني

فتى بني عزيز

قصيدة نصـــح لكـــل ابـــن
للشاعر/ ثـواب بــن معــاصــب المــندهـه

يا أبـني تـرى الـناس لو تضــحك حــواجــبها=أحدن يحطه عليك قمار وهوالي
أفـطــن لـضـحــك العرب والـنــاس جربـــها=لاتلــفت للــــطمــان ولـــد للـعــالي
والنــفـس فــــالـديـن والــطـاعــات رغـبـــها=في طـاعة اللي خلقها فـأول وتـالي
وأبعــد عــن اللـي عمـيـل الـشــر معـطـــبها=فالـذوق مافـرقت فــالمر والحــالي
كـم واحـــدن راح حـالــه من ســبـــايـــبــها=ماعـاد له في قلوب الناس منـزالي
عنهـا أبـعد الــنشر لـو الـرجـــل تتـــعبـــها=لا تـعترض للخبيث وشر الأقوالي
وأحــذر ربــوعك مـع الأجنــاب تـشذبــها=سوات من يصفق بدلوه على الجالي
ربعـــك لـحــافــك لـيــا هـبـت هـبـايــبــهـا=لن صافقت بالهبايب شرق وشمالي
لـو شـانـت أوقـات فيـه أوقـات تغــــصبها=في يـوم ماله عن الميقاف محوالي
وأغرس لروحك غروس الطيب وأحجبها=بالطيب والمعـرفة مع نــاس عقـالي
هــاذي دروب الرجـال اللـي مـناكـــبــها=تشـتال كثـر الحمـول خفـاف وثقالي
نـــصيحتــن قــلتـهـا وأبـاك تــكتـــبــــها=في داخل الفلب ماهي فـالخلا الخالي
وأن كــان جـا نبـتهـا مانــتــه مراقــبهـا=مـــانـــي لــمن يعـــتمـد بلــواه دلالي
أبـديـت مافـي ضمـيري وأنت صـاحبها=والنـاس قبلــي تــقــدم نصـتح وأمـثالي

.................

قصيــدة رثـاء فـي عــوض بـن مــعـــصـب الـمـنــدهـه رحـمـه الله

للـشاعـر/ ثــواب بن مـعاصــب المــنـدهـه

فقـدت لي حين معي سر وأجهـار=وليـا نوينا الـدرب نمشـي جميعـي
يصغي عن الظلـما ويقبل للأنـوار=وأقـدام رجـلــه للخطـأ ماتتـيعـــي
اليـا ذكرتـه تـقـل فالقـلب مسـمـار=يـدلـه قليـل وقـال أنا مأستـطيـعـي
وأنا أحمد الله ذاخرن ناسن أخيار=تـنـزل منـازل من مـكانه رفـيــعي
القلب يـدري مار مايسمـع الـشار=اليـا ذكـر له حال فكـره يضـيـعي
حـين رحـل مازعـل العـم والـجار=وبـيتـه لمن ينصاه مثل الربيـعـي
أبو عبيد اللـي ليـا جات الأذكـار=يـذكر بـخير وللأمانـه وديــعـــي
عســاه فـالجنه مـع النـاس الأبـرار=بحـكمة اللي بـالعـطايا سريـعـي

.............

قصيدة الشاعر ثواب المندهه في بناخيه سلطان احمد المندهه

حكمة الخلاق فـي الخلـق ماعنهـا مطيـر=قاعد(ن)في الارض والا على سطح القمر
صـابـريـن وخـابـريــن الـصـغـيـر والـكـبـيـر=والمـثـل قــال الـحـذر مايـفـك مــن الـقـدر
من وفـاء اجلـه ماتوخـر عـن اليـوم الاخيـر=عارف(ن)حسـبـة ليالـيـه خـــلاق الـبـشـر
ياعسـى سلطـان فالجنـه اقدامـه تسـيـر=من طيور الجنـه الـي علـى روس الشجـر
مـن شجـر جنتـك يــارب ملبـوسـه حـريـر=اخضـر الجنحـان مـن حيـث مايبـغـى عـبـر
واحمـد الـي لـه طلبـنـا الله الــرب القـديـر=يطلعـه لـنـا معـافـى سلـيـم مــن الـكـدر
يـاغـسـى مايـفـقـده لاكـبـيــر ولاصـغـيــر=طلبت الـي لـو يونـس علـى حكمـك صبـر
حـيــث قـلـبـه للـمـراجـل وللـعـيـا بـصـيـر=كاسب(ن) قولة نعم في الاقامه والسفـر

قصيدة الشاعر ثواب المندهه عندما كان في قرية السريحيه وهي ديرة العوازم من عتيبه

البارحه مابين طخفه وحسلات=امسيت وامسى القلب معه التفاكير
ياخذبه الهاجوس دوره ولافات=يبا الطلوع ولايحب المحادير
يبا ربوعن يم هاك القريات=شرق القرى غرب الهضاب المزابير
الاد وايل محتمين الونيات=لن جاء نهارن فيه مثل المعاصير
عزايزه في عالية نجد ثبات=وان جالهم لازم يجونه طوابير
مثل السهوم الواردات القويات=ا=ي يخلن الضربيه شعاثير
حمالت البارق نهار المهمات=والاسم من عرض الاسامي المشاهير
معهم نبا ياغافر الذنب سجات=قدام لاتقضي علينا المقادير
لوكان ماجاء من هل الطيب عالات=لكن حب الربع واوطانهم غير

قصيدة الشاعر ثواب بن معاصب المندهه في ابن شيخ قبيلة بني عزيز الشيخ محمد بن عايض المندهه

مقرن لفانا بعد طول المدى والغياب=وامسى العرب ملعنه بقدوم عرب الجدود
يامرحبا ياهلابه عد وبل السحاب=الي سديدن من المنشى خياله يقود
من لابتن ماتلين ان جاء القسا والعتاب=ومع اهل الطيب بالطالات ترقا سنود
سلايل المندهه والذيب نسل الذياب=راس القبيله وربعه له سوات العضود
الاد وايل الياء جاء العلم علمن صواب=محدن توخر يجونه من جميع البنود
وقفاتهم وقفة الشجعان في كل باب=وايمانهم بالتكاتف كل ساعه تزود
في يوم رزلهم البارق وكز الخطاب=اللي من الداخلي واللي من اقصى الحدود
تكاتفوا واقبلوا وارسوا سوات الهضاب=في حفلة الشيخ ثم اعموا عين الحسود
شايب وشبان عن ميقافها ماتهاب=لون حس المدافع مثل حس الرعود
عاداتها الاد وايل يحتمون الركاب=تسق المعادي مرارة عقبها مايعود

قصيدة الشاعر ثواب المندهه في ابن عمه الشيخ محمد عايض المندهه حين مرض

المندهه من قديم الوقت ترتيبه=فالوله مايجي فالماقع التالي
شيخا كبار العرب وروس تدريبه=في ماقع ابوه والجدان مامالي
محمد اللي على حدين نهويبه=حده كما السيف والهيبه جبل عالي
اطلب من اللي رديم المزن ينويبه=وسقابه ارضن حيت من عقب الامحالي
انه يشافيه من ماجه ويجيبه=نور القبيله لهم مقدم ودلالي
اليا لتفت للهدف يرميه ويصيبه=رمي الدرك مايروح يمين وشمالي
معروف وقت الطلب تدرك مخاليبه=وعضوده الادوايل تحتمي التالي
قلته وقلبي مع الافكار توميبه=ولعبد ماله عن المكتوب محوالي
وارجي اعلوم السعد تاتي مناديبه=بشاير الخير حتى ينشلرح بالي

الليث شاف الشعر وهاضت شجونه
ابيات فيها مـن المعاني حلا وذوق
ثواب شـــاعر بالكـــرم يمـد حـونه
ويمناك يافيصل عسا ماهي للعوق

حياك الله يافيصل ونرحب بحضوورك
وننتظر ونطمع بالمزيد

يا مرحبا فيك يا فيصل

وسعداء بتواجدك معنا

صح لسانك وسلمت على الايراد

نتمنى ايراد جميع قصائد
الشاعر ثواب بن معاصب المندهه

جل تقديري

أخوك

نواف بن صعير