قصيده منبريه

السلام عليكم ورحمة الله وبركاته

هذه مشاركتي في حفل زواج صنيتان حضيض العزيزي


إمن المصيف اللي جماله عانق إمتون الغمام
وألاّ الثمار اللي حــلاها زان خضـــر أغصانها

وإمن الورود اللي بها يسجع مواليف الحمام
وإمن الزهور اللي تباهت بإختلاف ألــوانهــا

قطفت باقـــات الغــلا قـــدرومعزّه وإحــــتـرام
وأغلى تعابيــرالوفاء عَنَّيت أصــيــل إحصــانـها

ونثرتها في مــحــفـــل الوافين راعين المقــام
اللي إبميلات الــزمــن مـابــان ميـل أركانـــها

يالله عسى نفرح بكم في كـــل يــوم وكـل عام
وأجمل تباشير الفرح ..ترعد إبــجــر ألحـــانـهــا

وأسمى التهاني جالها فالصدر لجّه وإزدحــــام
مشــــــــاعــــــــرٍ..للتـــهنيه مـا قـفّلت بيبانها

أزفها من خاطرٍ صــايم عــن أعــذاره صــيــــام
مايعتذر.. لامن بــدأ لـــلازمــه بــرهــــانـــــهـا

وأنا عنيت وجيت والعَنوه على قلبي ســــــلام
وأبرد عليّه من ثـــجـــاج الماء بغـــر أمـــزانــها

وأحلى من أنواع العـــسل قدّام يجنى أو يســام
في نايفاتٍ مشـــرفه عــلى المــلاء وأوطـــانــها

حضرت وافي والوفاء لأهل الوفاء عـــز و وســــام
اللابه اللي صيتها من صيت حـــمـــر أعيـــانهــا

إيه أفتخر في لابتي هم تــاج راسي والـــحــزام
هم عـزوتي لاكَشّرت دنيــاي عــن نــيــبــانــهــا

شاعر وأمثّل لابيتي فأقوى المواقيف الــجســـام
إلسان ربــــعي لأحتماء الماقف ...فأنا رُبّانــهــــا

وأبى أختصر والإختصار أبلــغ مــفــاهــيـم الكــلام
الله إيجمل وقـــفــتــي والطـــيب هــــو عنـــوانـها

يالله عسى نفرح بكم في كــل يـــوم وكــــل عـــام
وأجمل تباشير الفرح.. ترعــــد إبـــجــر ألــحــانها


منيع الله بن داخل العزيزي