يسعد صباحك

غنيت لك من صادق القلب بااحساس
اجـمل حروف الشعـر واجمل معانيه
واسقيـــت من شوق الغلا حبك بكاس
روحٍ يـِـجـــاذبـها الـغرام واغـــانيه
يفـوع قــلبـي مــع طواريك وانحاس
ياللي غـرامك قــد سكن في محانيه
اخفيت حبك يــاحبيبي عــن الناس
وش حيلة المشتاق واللــــي يعانيه
حبك بــقـــلبــي ماله ايـات مقياس
وشيددت لــك بعــروق قلبي مبانيه
وحديت لك شرد القصايد والاحساس
احلىى ليال العمر بالحــــب جانيه
وخليت لك في وسط هالقلب مجلاس
وحبي وضـح قاصيه مع شوف دانيه
يسعد صباحك يا بعد كل الاجناس
ي وردة الاعماق و احلى معانيه
والبسـمه تجاوب سنا ثغرك انـفاس
عصفـورتـي غنت على غصن سانيه
وقف عـلى شبـاك مـن صـابه الياس
ينظـرك تشـفـي قلب له عام ثانيه
حلمه عـلى شفتك عن مجمل الناس
لا تـهدم احــلامه بـعـد جاك بانيه
كـلي مــشــاعر شعر وابداع حساس
عابث حروف و مقصدي لك مجانيه
اعطـاك دوﻻر الـمــحــبة والالماس
وارســت على بحر الجفيا .. موانيه
واختامهـا بــالشـعـر لبستك لباس
وقـهويت طيفك من قصيدي امانيه
#فيصل_المندهه

صح لسانك اخي الشاعر الغايب الحاضر فيصل المندهه
ابيات جزله من شيخ وشاعر جزل ونطمع بالمزيد منك
اخوي فيصل وتقبل اجمل واغلا تحياتي

المشاركة الأصلية كتبت بواسطة الليث

صح لسانك اخي الشاعر الغايب الحاضر فيصل المندهه
ابيات جزله من شيخ وشاعر جزل ونطمع بالمزيد منك
اخوي فيصل وتقبل اجمل واغلا تحياتي

مرورك وشهادتك بحد ذاته فخر لي في الصفحة والابداع نتعلمه منك ومن شرواك وشكراً

#فيصل_المندهه