المحاوره المباشره لهذا الاسبوع يوم الثلاثاء ليلة الاربعاء الموافق 16 /4 /1429

أحمد خالد العزيزي

يامرحبا بك ياهـلا ترحيـب مثل الخيال=اعرفك يا منصور راع الطيب كلا(ن) يعرفه
اقلط تفضل يالعزيزي لين ياتيلك مجال=واعرف ترى ماكل ما ياتيك لازم تصرفه

العزيزي

دام البقابك ياوسيع العرف ياراع الجزال = سيل من الامجاد لاشاف اله مجدٍ يجرفه
امشي على ضلع متين وتارك الجرف الهيال = وارد على العد القراح وصافي الماء اغرفه

احمد خالد

لكن خلك فالقصار ولا تعنيك الطوال=حتى الدعاوي يا صحيبي ترتقي راس شرفه
الله يضلك بالضلال ولا يجنبك الضلال=لازم تدق الزير ولا نستمع للغطرفه

العزيزي

ماني مضري راسي يحوم على علوم الهزال = واطز عيني لو دمع الذل منها تذرفه
يهيب فال الله ولا فالك عساها للزوال = اهل القلوب الكالحة واهل العقول المقرفه

أحمد خالد

اطز عينك بصبعك ولا تسريها عدال=ماتستفيد ودمع عينـك يالمغني تذرفـه
أثر الحجازي ماتغير لو يسافر للشمـال=خلك بصدق ولا تجي حيد المنافق وطرفه

العزيزي

ماكل من يبغى العلا والمجد في دنياه طال = وياكم زولن طال لكن بعد ما الوقت كرفه
لا ياولد خالد عميلك ماتغيره الليال = والطيب خلي مايفارقني ولا شي يحرفه

أحمد خالد

وين انت الـدولار روح بالجنيـه وبالريـال=عان الذهب في خزنته والمال داخل مصرفـه
قبل أمس شفتك تذرف الدماعات من شان أبتهال=كلن يهمـه أمـر دينـه والجزيـره وشرفـه

العزيزي

يوم احتدام المعركة ماشفت للهزة مجال = مالي جنيته من يميني مقدر اني ازرفه
حقي خذيته والطموح اللي بجوفي لايزال = منصور ودعكم وروح بس كلن يعرفه