كون مشذوبه

سلام عليكم ورحمة الله ,, لكل قبيلة رجالها الذين حفروا تاريخها بالدم وهذه بعضآ من قصص الأبطال ,, كتب الأديب ((محمد بن خميس)) مقاله ( من البطولات النادره ) في مؤلفه من احاديث السمر , خرج غنيم العارضي ومعه اربعة عشر من فرسان مطير عام 1322 هـ في غزوة وكان الأمير الشجاع {{عبد العزيز بن متعب ال رشيد}} يصول ويجول في شمال الجزيرة بكونه حاكمآ لنجد ,, وفي غزوته هذه استهدف قبيلة مطير الضاربه في مرابع الصمان مما يلي الحتيفه حيث تتجمع حول اميرها ((سلطان بن الحميدي الدويش)) وفارسيها وطبان الدويش وهزاع بن شقير , وكان ال رشيد يطبق المباغته والأخذ في الغره ,, .وبعث عيونا للإستطلاع حيث قارب مضارب القوم , وكانوا برئاسة ((ابن زويمل)) من فرسان ال رشيد واتو العيون بخبر العوارض الخمسة عشر الغازين من قبيلتهم على قبيلة ال رشيد الغازين عليهم دون ان يعرفوا غارة ال رشيد عليهم والتحم القتال بين ابن زويمل ورفاقه والعوارض الخمسة عشر . وكان الوقت ضحى وقاتل ابن زويمل حتى قتل معظم رفاقه وعقرة جيادهم ثم ارسل ابن زويمل مستنجدا من قيادته , فجلبت القياده بخيلها ورجلها واميرها ومامورها واذا بالفضاء ينقلب على العوارض جيشا وخيلا وتحانا وتهصاهلا .فعمدوا الى ابلهم ووضعوها في قرن واستاقوها وضربوا خلفها سورا من استماته واستبسال وتنمر , وجعلت الخيول من حولها تكر وتفر والرصاص يمطرهم , والخصم يزداد بالمدد دفعة بعد دفعه من امير هم . والعوارض يزدادون استبسالا , وكان مما يخاف منه ابن رشيد ان ينفلت منهم احد فينذر القوم المزمع الإغاره عليهم ( مطير ) . اما الأن فقد امتلأت الأرض من القتلا والخيل ,, فهو حينئذ طالب ثار ومن وراء ذلك فجبروته يابى ان ان يتراجع امام هذه الحفنة لتقول الأخبار ان بن رشيد بقضه وقضيضه لم يستطع اخضاع خمسة عشر راكبا واي معنوية تبقى بعد ذلك. والنتيجه هي غروب الشمس واختفاء العوارض تحت جنح الليل لم يقتل منهم احد ولم تلن لهم شكيمه او يغمط لهم جانب , وفي ذلك قال احد الخمسة عشر الشاعر ((غنيــم العارضي))

يوم عدى الرقيبه راس مشذوبـه=قال زلوا وجتك الخيـل زرفالـي
شفت انا شوف ريبه لا بليتوا بـه=شوف ريبه ومنه القلـب يهتالـي
لحقت الخيل بالتومـان مركوبـه=مشتهين الطمع مرخين الأمالـي
انتخينـا وكـل جــادع ثـوبـه=محتسين الشجاعة بالخلا الخالـي
وحولوا لابتي في كـل مسلوبـه=واقفت الخيل معها الـدم شلالـي
كم جواد بزين الصـدر مصيوبـه=راح رجلي وعوضنا عنها الأحبالي
سبق الخيل ذبحت بالسهل صوبـه=وذبحوا كل فارس فوق مشوالـي
شافوا الفعل من ربع تمنـوا بـه=وقفت الخيـل معهاالـدم وشالـي
يحسب انا نعـود عنـد مندوبـه=يوم يرسل علينا خيلـه ارسالـي
هجننا ما ركبهـا كـل زاروبـه=كود من هو عريب الجد والخالـي
الركايـب عيـال مطيـر عيوبـه=واحتموا جيشهم ماضين الأفعالـي
الظفر ساعة وان حـل ماجوبـه=والمراجل لها حـزات وارجالـي
مل عين بكت ماهـي بمصيوبـه=في نهار رخص ماكان به غالـي
كلما قلـت عنـا هـودوا نوبـه=الحقوا سربة (تسعيـن خيالـي)
ويوم لحق الأمير ولحقت الشوبـه=لا قرايـاولا مزبـن ولا جـالـي
ياعمار بسوق المـوت مجلوبـه=ما هقينا على الدنيـا لنـا تالـي
مادرى اناهرجنا بالي هرجتوا بـه=مارثـة جدنافكـاكـة التـالـي
والولد في شبابه رأس عذروبـه=كان ماهو يلطم كل مـن عالـي
وساعة العسر معها اليسر مكتوبه=ونحمدالله ونشكـر ربنـا الوالـي
من شريق الضحى ياغافر التوبه=لين غابت وحنا هـوش وقتالـي
وفعلنا اللي بقى والناس عجوبـه=يرفع الراس مع تاريخ الاجيالـي
والله اللي يقـدي العبـد بدروبـه=ينفع العبد في بعضات الأحوالـي

{{{غنيــم العارضي المطيري}}}

--------------------------------------------------------------------------------

ومما قيل في ذلك الكون

ابن رشيد والعشرة عوارض=صناديـد الرجـال الطيبينـا
تعاقبنا السهوم من البنـادق=وصرنا بالسهـوم الفايزينـا
الى قلنا هزمناهـم وولـو=الى بالجمع الأخر قد فجينـا
ثلاث مرار يرسل من جنوده=ورابع مرة جـاء بالكمينـا
وقلنا يامطير اخذوا سددكـم=تراكـم لا محـال ميتيـنـا
غدى مثل البرد قفش الهنادي=ذبحناهـم وعدنـا سالمينـا
طرحنا سابقه عـدة مـرار=بحد الجال من حـد البطينـا
بدأنا حربهـم صبـح مبكـر=الى مالليل قد اظلـم علينـا

منقول

يسلموووو على النقل المميز والوافي والقصيده والقصه جميله ماقصروا العوارض تقبل مروري

مشكورة على المرور تقبلي تحياتي

يعطيك العافيه اخوي العزيزي9


تقبل مروري

احترامي

يسلموووووووووووووو وتقبل مروري ويعطيك العافيه

الاخوين الساطي و ابو نواف مشكورين على المرور

شكراااا أخوي

مشكور
ويعطيك العافيه