اكتب تقييمك للقصيده ونافس لجنة المليون

ادري ان العنوان غريب شوي بس حبيت اشوف تعليق الاعضاء ونقدهم يمكن يرز واحد منا ويتعاقد معه محمد بن زايد

عموماُ هذه قصيده رائعه اعجبتني اتمنى ان تحوز على رضاكم وشاعرها غير معروف لدي انا ياليت الي يعرف اسمه يكتبه ولكن الاكيد انه( مطيري)

ألاياوجودي كيف يرجـع زمـانٍ فـات
أباهالزمان يعود ليـن آخـذ المقسـوم

ابالي مية عفـراء وابانصفهـا خلفـات
وأباانقى فحلها وآخذه غصب بأم رقـوم

تربع من الصمـان لاروضـة التنهـات
ديارٍ خليـه مابهـا إ لاالطيـور تحـوم

واناأبرالها مرتاح لاروٌحـت وإن جـات
على (فاكس آر)اخر موديل الجنوط كروم

وأنا كد بنيت البيـت عابيـه للشبـات
عسى العز فيه يدوم واللي بنـاه يـدوم

عبيٌته لربـعٍ بالليالـي لهـم سريــــــات
عبـــادل‘ ‘عليهم من هل ا لطايلات وسـوم

وعبيٌته لربـعٍ بالمجالـس لهـم لـذات
هل الخيل والفنجال والسيف لهم سلـوم

ولاطابت السمرة وجـا للعفـر لجٌـات
بليلٍ ونوره في ظلامـه قمـر ونجـوم

شربنا حليـبٍ شاربـه يذكـر الآيـات
وبعد سمرةٍ فيها إغتبقنا يطيـب النـوم

ولابأن نجــم سهيــل ماتنفـع الغطٌـات
من النوم لابانت نجوم الفجـور نقـوم

ديارٍ خلا فيها الحبـاري لهـا حـروات
وطيري بجنبي بالهـدد مايبـي تعلـوم

وانا مطلبي ومناي موجـود بالابيـات
ومن لامني عسٌاه من هالمنـى محـروم