:اغرب قصة عشق وحب بالقصيدة ..

الاخوه والاخوات الكرام أعضا وزوار
ليس للإبداع حد ان يقف عنده
ولا أهل وجمهو معين
فالجميع يعشق الإبداع والمواقف المميزه و الطيبة ويبحث عنها
فأهدي إليكم هذه القصة والقصيدة
وقبل الاسترسال فيها
أستبيحكم عذرا اذا فيها شي من الخطاء
لأني في الحقيقة ليس بمتأكد من مناسبتها ومن قائلها
لان في القصة امر غريب ومخالف
لحال كل عاشق
فالقصة والقصيدة يقال أنها
أولا لشاعر / محمد عايض العصيمي العتيبي – والله اعلم
والغريب في القصة هو
اولا قوة شاعرية هذا الشخص رغم صغر سنه حيث شرح معانته وخلدها لتاريخ رغم انه ابن 13 عام
وثانيه قوة عزم هذا الطفل وإصراره علي ما يعشق
فهو الذي عشق ابن ثلاثة عشر عاما وهام عشقاً بأبنت ثلاثة وعشرين فكيف يكون عاشقا لها ؟؟؟لقد تجاوزت هنا كل الحدود في الحب والعشق فلم يأبه حتى بالفارق الزمني .. لنسمع تفاصيل ابن الثالثه عشر سنه وعشقه لابنــــة الثالثة والعشرون ..التي لم يخطر لها ببال ان هنالك طفلاً احترق باللحظات الأخيرة قبل رحيل معشوقته .. والأصعب من ذلك والأعظم تلك الشجاعة التي تجلت عندما فجر حاجز الصمت
فيقول في قصيدته

ابن المطوع ما لقا الـدار ماهـول=مخل ٍ جنابه عن جميع الوطن خـال
شافه خلا من عقب ما هوب منزول=وأقفا على أقدام الحفا يهذل أهـذال
ابن المطوع مات مع درب مجمـول=عطشان في راس أبرق ٍ نايف ٍ عال
لكن سواتي ما بعـد عاشهـا زول=ولا قد سمعتلها مع أهل الهوى أمثال
عايشتها عمري ثلاثة عشـر حـول=أو هو يقل عن الثلاثة عشـر حـال
أنا صغير وناحل الخصـر مدلـول=سبع وثلاث معديتنـي ورى الجـال
الفرق عشر ٍ فيهن أرياف ومحـول=فارق هوانـا فـرق راحـل ونـزال
صبرت عل الصبـر ينـدار بحلـول=وحمل العنا عن بايد الحيل ينحـال
أقول أظن الصبـر ينـزال ويـزول=وصبرت وأثر الصبر ما هو بحـلال
ونويت أكسر حاجز الصمت وأقـول=أما طمـع وألا مناكيـف وأجـزال
واجهتها خايف وسايف ومذهولـئ=وأخبرتها بالحال عن خافي الحـال
واجهتها من راس مرسلت مرسـول=وردت بعلم ٍ ما خطر لي على البال
قالت واشافيها تفـرق عـن اللـول=توك صغير ولا بعد صـرت رجـال
اليا شتد عودك وأصبح الزند مفتول=ومشيت ما بين المناعيـر تختـال
يمديك تلقـى مـن يسليـك بدلـول=ويحطلـك بأقصـا خفايـاه منـزال
وأقفت يلحفها من الليـل مجـدول=ما غطته عن ناظر الطفـل بجـلال
أقفت وأنا في ماقف الياس مخـذول=مفلس فلاس مضيع الجـاه والمـال
تفتر بي دنياي في حيـل مشلـو=وفي ما قفي ما طاعت الرجل تنزال
وراح الزمان وطال وطول بي مطول=وأصبحت في رجوى قبالات وهبـال
أصبحت جرحي في خفاياي مشيول=نوب يهيض ونوب يلتـف بأسمـال
لا طاب من مابه ولا مـات مقتـول=أبطى وتاثيره على النفـس مـازال
جرح ٍ يزوره ساري الطيف محمول=على متون الليل في مهمـه الـلال
يسقيه في لذة كرى النوم معسـول=حلو المذاق بلـذة النـوم سلسـال
من منهل ٍ ياعنك ما هوب منيـول=صعب ٍ على خيار النشاما والانـذال
واليا انتبه جرحي من النوم مثمول=عادة عليه أتـراح الافـراح تنهـال
هذا جواب اللي عن الناس معـزول=عزل الجبال الصم عن جرد الاسهال
واتلا الجواب من المساهير هملـول=تهدي لهاك الزول مـن بـد الأزوال

الشاعر/ محمد بن عايض العصيمي العتيبي




اتمنى ان تنال اعجابكم

أنا صغير وناحل الخصـر مدلـول=سبع وثلاث معديتنـي ورى الجـال
الفرق عشر ٍ فيهن أرياف ومحـول=فارق هوانـا فـرق راحـل ونـزال

وأقفت يلحفها من الليـل مجـدول=ما غطته عن ناظر الطفـل بجـلال

والله شي غريب

وممكن يكون عشقها

مشكووووووووووووور

مشكور يا واصل

وما قصرت

وبيض الله وجهك

ولا هي غريبه في امور العشق

وتقبل مروري

اخوك


احمد الوصلي

اخوي واصل عزيز

قصه مشوقه ولكن وين النص والقصيده

اخوك

الطريس

الله يعطيك العافية


قصة من ضمن قصص العشق والغرام فيه من الغرايب ماله حدود

بس يا خوي من أول الصغار ماهم مثل هاحين الورع يلقاه عن رجال


في وقتنا الحالي هالحين يجي عمره فوق العشرين والله ما تتكل عليه

ولا شيء عسى الله يغفرلنا ويصلح لنا ولكل مسلم


بارك الله فيك


يـــــ واصل عزيز ــــــا