يالربع من شاف لي حمدان .

السلام عليكم

مسا الخير

الليله نعود لكن بموال جديد

مع احد شعرنا المبدعين سفير المهد ونتشرف بالعب معه

ونتمنا ان نحوز على رضا كم

وبسم الله نبداء :ــ


سلام مني على الاقصين والداني
لربعه اللي لها في العز مسكاني
ونبا نموال على زينات الالحاني
والوقت دوار ولايام دواره

يالربع من شاف لي حمدان = أقفاء وطالت به الغيبه
ياطير ياكافخ الجنحان = لن جيت نعطيك ترحيبه

( شوفو لتنسيق القصيد حل مايضهر عندي ) .

يامرحبا ياهلا واقلط على فالك=
والعب وجر اللحون وغن موالك=
واحذر من السيل لامن سال يشتالك=
والوقت دوار والايام دواره=

انا هنا ياعمر عمران= واللي على خاطرك جيبه
العب وهات العلوم سمان=والقاف يازين ترتيبه

دام البقاء من هجوسا ً تشرح البالي
وأنا تعليت مخشى كل سيالي
وبضحك عليك ومعك وجر موالي
والوقت دوار والايام دواره

لكن خافي ورى متبان = والناس قالو مندريبه
عجزت لعرف لكم ميزان = من صاحبي جاتني ريبه

اضحك وسولف عسى دنياك تضحك لك=
لكن ماهو عليه . شوف لك مثلك=
بدري عليك انته وعشرين من شكلك=
والوقت دوار والايام دواره =

علومكم عندنا يافلان= والسوق قلت مكاسيبه
صاحبك دايم رفيع الشان= والطيب يميزه طيبه

راحت عليك وعلى مثلك نسويها
لكن تبطي وتعجز منت ناسيها
ياكثر ماأضحك العالم وبكيها

والوقت دوار والايام دوراه


أنته تبي تكسب العربان
........................ يالربع كثرة هناديبه
تبني خطط مالها برهان
...................... لكن محدن بيدريــبــــه

عمر عمران


هذا صفك


:hlopaetfg :

سفير المهد


وهذا صفك



:hlopaetfg :


متاااااااااااااااااابعين وصح لسانك

مساء الخير يالربع

الله الله و صحت السنتكم

ياهوه يامبكي العالم ومضحكها=
وش جبت لعبه عشان انك تفرنكها=
لاتجيب لك هرجتن ماانته بمدركها=
والوقت دوار والايام دواره=

يرغي بعير البدو ريمان= والطق فأسفل عراقيبه
مبني بيوتي بلاسيسان= ولضحك لك بسن تركيبه

المشاركة الأصلية كتبت بواسطة قلب الوله

عمر عمران


هذا صفك


:hlopaetfg :

سفير المهد


وهذا صفك



:hlopaetfg :


متاااااااااااااااااابعين وصح لسانك

هلا يالله حي قلب الوله



ومتابعتك شرف لنا

المشاركة الأصلية كتبت بواسطة سهاج

مساء الخير يالربع

الله الله و صحت السنتكم

حياااك الله ياسهاج ومن طوول الغيبات جاب الغنايم


لاتروووح عنا بعيد الايام هذي ودنا معك بطارووق وجهز بيتك وانا جاهز لك ان شاء الله ...


ولاتغيب عنا


ويامرحبا ونورت الصفحه بمرورك وفرحنا بك

تحياتي لك