شاعر غطفان .. وملحمه مطير 2

بسم الله الرحمن الرحيم

ذكرت لله قبل أبدا كلامي = إله العرش رب العالمينا
هو الرزاق والخلاق حقـــــنا =وحكمه نافذاَ بلغيب فـــــينا
أبدي خالقي قدام خلــــــــــقه =عسى الرحمن الصح يهدينــــا
أنا اسف على بغض القـــبائل= تعد افعولنا عكسن عليـنا
تقول لكذب ما تخشا الملامه = وحنا للفعول مترخيـــنا
فعول الناس ماتوخذ همـــــايا= خسرتم يارجلا مهتمينا
سكتنا مرتن من بعد مــــــره= طمع فينا الردي يوم استحينا
ولا نرغب لتعديد الفــــعايل = والاكناعلى هذا بلينا
أخبركم بفعل أمطير موجـز = بكلمه صادقه يا سامعينا
قليلن غالب أمطير العريـــبه= على هامات الاعداء قد وطينا
لنا افعالٍ تشيب من عرفــها = يشيب لهولها راس الجنينا
مناخي المربع والرضيّـــمه = تذكرنا المواقع مانسينا
ليا عدت قبايل نجد حــــــنا =لنا التاريخ فيها لاولينا
بها يشهد لنا تاريخ نجـــــدآ = سل التاريخ وللى كاتبينا
منوخت الجمل للحرب حنا = لهذا الفعل حنا لسابقينا
لياناخ لجمــــل ماعاد يرحل= على العدوان ام كانت علينا
ليا شال الدويش الحمل شلنا = زعيم أمطير من ماض لسنينا
زعيم أمطير وأهل لزعامه = على مايامرالقايد مشينا
ليا صوت بحمران النواظر = على رهن الإشاره حاضرينا
ليامنا ركبــــــــــنا فوق قبن = لبسنا الطاس والدرع الحصينا
توجهنا على خيل لمعــــادي= نقص الروس من بين اليدينا
عقيد القوم ما يملك شعـــوره=تول القوم منا ها ربينا
عن الصمان نزحنا لقـــبائل = أخذناها جباري ماعطينا
أخذناها على ماجد غصــيبه= بحد ا لسيف قد الت إلينا
ملكنا للغدير واللاهـــــــــبه = عليها أمطير نادين وقطينا
حميناها وجودنا حـــــــماها = تخاف الناس منا ماتجينا
لون لارض تنطق با لوقائع = يبخركم منا خ الجو عينا
يخبركم مناخ ما جــــــرابه = بوقعاتِ تشيب المرضعينا
مناخ الجو ماسمي تعبــــث = ثلاث أمرار فيه منو خينا
دويش أمطيرما يوجد مثيله = قليلٍ مثل جنسه ما لقينا
له أفعالٍ مع العالم رهـــيبه = وبالتـاريخ لأفعـــالــه قرينـــا
ينوخ للجمل في وجه خصمه=ثلاث اشهور واربع وشهرينا
دويش أمطير قهار الأعـادي= بقلبٍ كا لحجاره ما يلينا
يشب النار في راس الطويله = عن أعيون المعادي متقينا
دويش مظهر التاريخ مثـــله = يكون للي علينا حاكمينا
ومنهو بالشجاعه مثل فيصل = ليا كروا عليهم راجعينا
ترنا حنا رهيبين المـــغازي = ثلاث أشهور ليا منّا غزينا
ثلاث أشهور نمشيهن ذهاباَ = وثلاثه مثلهنه منكفينا
أخذنا ثار مقتول النــــــقيره = نهلنا من دما هم ورتوينا
وردنا وردة الحر القطـــامي = عثا بلجول بلكف ليمينا
أخذنا ثار من صوت لعلوى= وحنا مع ذويهم جا لسينا
لناعادات نروي لســــــلايل =جزاً لصوت يومنا نخينا
عليل القلب تشفيه ا لضياغم = بحد لسيف ولا طلقتينا
تنشد كير عن جدع الجماجم = جزاً للي يخون الامن فينا
امنا هم وخانو للاامـــــــــانه = وحنا با العهد فيهم وفينا
تلقبنا بحمران النواظــــــــر = وهذا لاسم معروفاَ لبينا
قليلٍ غالب أمطير العريبـــه = ليامنه زما لعايل زمينا
نبيع لروح مندون المحـــارم = نحسب الغلب منا لاعلينا
ولولا كل ما قلته صحـــــيح = سكتنا با المواقع ماحكينا
وهذا موجزٍ من فعل علوى = وباقين أمطير الا خرينا
وللدوشان من هايف تحيــه = حضور القوم والا غايبينا
تسماء القورمنا باسماء شوخن=تعشاهم ذيابنا جا يعينا
تعشاهم من لحيز الحنــادي = تحت صم الحوافر طايحينا
طرحنا الشوخ من فوق الاصايل=سهوم الموت جتهم من يدينا
على الويلان نا صرنا الطـــنايا= وردينا لعطفتهم يقينا
نخل الخيل ماتملك بعضـــها = نهار الكون نروي لسنينا
كتبنا عن قدر تسعيــن فارس = على باب العراق معلقينا
ونخل الدم يجري بالمســـايل = نهار القرن كل عارفينا
تسميها العرب غزوة خساره =لحيث الضد عادوا خا سرينا
وردنا عد لا داعي لا اسمه = حدانا القيض يومنا ضمينا
وطلق مالك الماء ما نذوقه =نصحناله وطلق مرتينا
وقلنا رايكم يأل لعويـــــني=وقالو عيب نصدر ما روينا
طردنا لضد عن مملك جدوده=وطلقنا نساه الاثنتينا
مطلقت النساء با لجبر حنا = جزاً للي ترد القاف فينا
حجرنا زوجها منفك مــــنا = خلعناها وعن راسه عفينا
ابن رشيد خذيـــــنا جواده = خذت في ملك فتنان أسنتينا
قطعنا راس من خان لخويه=اخذنا لثار يومنا درينا
عطانا وارث الـــبراق راسه = جزاً لوجيهنا منه إنتقينا
صلخنا وجه من خان لخويه = وعلق با لنقاء لنا ضرينا
وهذا فعل رجحان العبـــادل =وباقين امطير الاخرينا
نطحنا القوم لوحنـــــا قلايل = عددنا عشرة زايدثنينا
ابن رشيد والعشره عوارض = صناديد الرجال الطيبينا
تعاقبنا السهوم من البنـــادق = وصرنا بالسهوم الفايزينا
ليا قلنا هزمنــــــــاهم ولوا = ليا با لجمع الاخرقد فجينا
ثلاث أمراريرسل من جنوده= ورابع مرةِ جاب الكمينا
وقلنا يا مطــير أخذو سددكم = تراكم لامحالِ ميتينا
غداء مثل البرد قفش الهنادي = هزمناهم وعدنا سالمينا
طرحنـــــــا سابقه عدة مرارٍ = بحد الجال من حد البطينا
بدينا حربهم صــــــبحِ مبكر = لامن الليل قد اظلم علينا
لنا وقعه مع علي الخـــــليفه = وحنا تسعتن يوم التقينا
هزمنا الجمع واحرقنا المواتر = بسوق الموت بعنا ماشرينا
طرحنا الطايره من عالي الجو= رماها لله يومنا رمينا
نهار الكون ذبحنا الخــــــليفه = ورد بالموت حوض الهالكينا
وهذافعل عطبين الضرائــب =هل الجدعاء كعام العايلينا
تجدد فعلـــــــهم في كل عامٍ = ولا تفنيه عشرات السنينا
ذبحنا قايدالجيش العراقي= والانخشى جنود الرافدينا
أكلنا راس عباس الظفيري= وياما روس من مثله كلينا
فعول امطير معجزةِ كثيره = لكثر أفعولهم ما ينحصينا
حربنا كلكم عشر القبــــائل = عبرنا نجد منكم منثنينا
ومنهو مثلنا يثبت وجـــوده =يثبت حجة في شاهدينا
يقول الصدق نطقن وستقامه = ويبدأمثل ماحنا بدينا
وفرق امطير عن بعض القبائل =مثل فرق الكرى عن طورسينا
أخير الناس بيام الجــــــواهل = واخير الناس يومنا اهتدينا
ولولا حكم ابوتركي غطا نا= لكنا با الجزيره طامعينا
ولاكن حكم ابوتركي جبرنا = وخضّع للقبائل اجمعينا
حكم بالشرع والدين الحنيفي = وساوانا جميعاَ وستوينا
وخلى الذيب يمشي مع عدوه = وليث الغاب رافق للحصينا
هذا ماقاله الرجل المطيري = تمر اشياء وحنا ساكتينا
وأنا انصح كل ذو عقل سليمٍ = بفعل أجدادنا لا يبتلينا
سئلت لله ان ينصرلديـــــنه = وأن يحفظ إمام المسلمينا
وختام القول صلاتي وسلامي = على سيد البشر والمرسلينا
على من أسمه الهادي محــــــــمد = نبي لله بهديه مهتدينا

شاعر غطفان: هايف بن نعيم البديري المطيري
نقلاً عن مجالس ذوي بدير التأريخية والأدبية

الله الله


قصيده جزله

صح لسان هايف بن نعيم

وتسلم يامسعد علىنقلك

تسلم ايدك علي طرحك المميز
صح لسان شاعرها

تقبل خالص سلامي

صح الله لسان الشاعر /هايف

ومبدع كعادته

وقصيده جزله

وننتظر منك المزيد

تسلم على النقل

صح الله لسان الشاعر /هايف

ومبدع

ويعطيك العافيه

مسعد



صح الله لسان الشاعر /هايف

وقصيده ماعليها كلام


تشكر على النقل

كن بخير

أخوك

قلب الوله

صح لسان شاعر غطفان

والف شكر لك يامسعد على النقل

مسعد البديري بارك الله فيك أخوي الغالي على نقل القصيده

ويعطيك الف عافيه

دمت شامخ