من خلقة الدنيا خلقنا قويين = حنا بني عزيز قوم(ن) مشاهير

قصيدتي أهديها أبنا عمي وربعي بني عزيز وهذا أقل ما يقدمه الشاعر لربعه
بما يتميزون به من خوة وشهامه ونخوه.

حنا بني عزيز فعل وسلاطين=افعولنا تشهر كما شهرة الزير
حنا على ما قيل فعل وبراهين=ياما تقدمنا وقدنا الطوابير
من خلقة الدنيا خلقنا قويين=حنا بني عزيز قوم(ن) مشاهير
فينا مخاوي الذيب ونعرة وفيين=حنا على النوماس نشهر كما الطير
فينا الشجاعه والسطى والكريمين=حنا هل الوقفه ورجال(ن) منا عير
يثنون دون الطرش قوم(ن) شجيعين=مهدين الي براسه سعاطير
ستر العذرى لا لقينا المعادين=يوم المكاون والفعول النوادير
لاجاء النهار الأقشر اللي مهو زين=الروح تهداء دون حق ومظاهير
ربعي وتلقاهم بالعسر واللين=مخلد التاريخ فعل(ن) واساطير
حنا ترى كعام المعادي حريبين=فعولنا تعرف وتفرق عن الغير
أفعالنا تعرف قديم(ن) وهالحين=أفعالنا بالوقت ورد ومصادير
حنا على العدوان والله سطيين=لصاح صياحٍ(ن) على الشر والخير
يندم معادينا مع الوقت وسنين=حنا على الصاحب نوفيه تقدير
حنا لنا تاريخ والله على الزين=ننشد عن الطيب وندفع تباشير
حنا حفيدين الرجال العزيزين=أفعالنا بالمجد مثل المقاطير

في الختام : هذا أقل ما يتميزون به ربعي بني عزيز وهم يستحقون منا الكثير
آمل أن تحوز على رضاكم وإستحسانكم.

أخوكم الشاعر:عبدالله صلاح العزيزي

شاعرنا عبدالله بن صلاح

بيض الله وجهك وصح لسانك على القصيده الجزله

بني عزيز مديحين بافعالهم ويستحقون المدح

بانتظار جديدك

اخوك

الطريس

صح لسآآنك

مشكوور آبو بآآسل

لآ هنت

الشاعر عبدالله بن صلاح العزيزي

انا أشهد إنك ماقصرت وبيض الله وجهك وعساك دوم ذخر لبني عزيز

وأنا احب مثل هذه القصائد وخاصه أنها طالعه من شاعر كبير مثلك

وموجهه لقبيله تعجز الأشعار عن عد أفعالهم وكرمهم وطيبهم

صح الله لسانك ولاتحرمنا من جديد يالقرم

صح الله لسانك على القصيده الرائعه وربعي بني عزيز يستاهلون المدح..

شاعرنا ومن نتشوق لجديد قصاائده
الأخ الشاعر : عبدالله العزيزي

سلمت لنا اناملك الذهبيه التي تنثرنا بزهور الابداع بين الفينة والاخرى

وصح لساانك على القصيده الرااائعه متذوقةً بأفعاال بني عزيز
فهم أهل الكرم وللكرم نبراااااس بهم

تقبل مروري واعجابي بابداعاتك المتميزة والمستمرة بالجديد

دمت بود

أخوك

نواف بن صعير