للشاعر بدر الشيب

06-11-2009, 04:03 AM

الشاعر/ بدر بن شامان الشيب

علـى طـرف عبلـه واديـان وجبـال=وصحراً تعلـم ويـش معنـى الأصالـه
مـرو بهـا الأجيـال رجلـي وخيـال=وأهـل هـجـن وبـوارديـن الحـالـه
وعـداً عليـه البـدو نـازل ورحــال=ودلـواً حياضيـه وحـبـل ومحـالـه
وصيداً تقول أنظر قطيعـه اليـا جـال=ترسـم لـي الماضـي رجـال الشكالـه
حنـا رجـال ولا لحقـنـا بلاجـيـال=اللـي زمنهـم صعـب ماهـو سهالـه
لكـن كبيـر الـسـن مـوجـود لا زال=عـن ماضـي الدنيـا يعـلـم عيـالـه
يقـول عشنـا عيشتـن مالهـا أمـثـال=رغـم القسـا تهـدف لرمـز الرجالـه
فعلاً فهمنـا كـل مضمـون مـا قـال=لكـن نـوصـل لصـغـار الرسـالـه
مفهومهـم فقـرة مسلـسـل وجــوال=وبـلا ستيشـن ثــم مــر البقـالـه
واخذ عصيـر وكيـك والعلـك بريـال=وسهـر علـى خيبـه وخبـث وخبالـه
ضحيتـن لبلـيـس وبلـيـس خـتـال=ترمـي محابيـلـه ويفـتـل حبـالـه
لكان عطه دروس عن بعـض الأحـوال=والديـن هـو عـزه وهـو راس مالـه
واليـا تديـن عـان عنـه الخطـر زال=عـقـل الجـهـل بـدلـه الله بـدالـه
هنـا طلـع رجـال مضـرب للامثـال=وهنـا عـرف تاريـخ عمـه وخـالـه
وهنـا لقـا بيـن الرياجيـل مـنـزال=سـوا لــه الله والطـريـق استـوالـه
طلع بطل محسوب من ضمـن الأبطـال=كلـن يبـا قــربه ويبـغـا قبـالـه
والتجربـه ماهـي تصانيـف وهبـال=برهـان والفـاهـم وسيـعـاً خيـالـه
والعنصـر الفعـال مــدرك وفـعـال=يبحث عـن الطالـه ويضمـن وصالـه
وبحثت لين أزريت عـن راحـت البـال=ولقيتهـا ابسـط مـن شـراب البيـالـه
بعدي عن الضوضاء وعن بعض الأشكال=جمالتـن فـالنفـس واكـبـر جمـالـه
والهرج يخـر لـه مشاكـل اليـا طـال=والصمـت حكمـه والتطفـل جهـالـه
وأن كان ماعندك على الخصـم مدخـال=حجتـك تفشـل فـي مـقـر العـدالـه
والمرجلـه ماهـي بعرضـه ومــوال=وعمـارةً فخمـه ومجلـس وصـالـه
المرجلـه تبـغـا محـنـك ورجــال=يشكر علـى فعلـه اليـا جـاء مجالـه
رجـلاً شجيـع ولشرابـيـك حــلال=ولصلـح متـبـرع بجـاهـه ومـالـه

أحمد بن هادي · 06-11-2009, 06:24 AM

السلام عليكم ورحمة الله وبركاته

ضحيتـن لبلـيـس وبلـيـس خـتـالترمـي محابيـلـه ويفـتـل حبـالـه
صدقت وصح اللسانك
وبيض الله وجهك على القصيده بل الحكمه
وماهي غريبه على شاعر متمرس
اخوك بحر الرجا