مرثية المرحوم ذيب بن راضي

السلام عليكم ورحمة الله وبركاتة
هذا اول موضوع اشارك به ي هالمنتدى
عندما كنت ابحث في ارشيف اوراق لدي والدي وجت هذي القصيده من ضمن اوراق قديمه وهي مؤرخه عام 1414 هجري لشاعر سليمان الرهيف واسأل الله العلي القدير ان يرحم اموات المسلمين جميعاً

ودعـتنـا يـاذيـيب واقــفت مـطايــــاك =اقفت اركابــــك مـايفيد الكلامــــــــا
يـاليـت مـاودعـتـنـا يـوم جــــيـنــــاك =فاربع عشر واربع ميه والف عامـا
لـو بـالمنـى قـلنا عـسى الاش يــفداك= يفداك يـــاذيـب الذيـــــاب الــكــرامــا
يــاقـبـر ليتـك تتسع بـ امـر مــــولاك= للــي مـوارنبـك نـهـار الــصـيـامـــــا
اتـلى الـعهد بالـمهد يومـن دفـــــناك =عـسـاك للـجنـه ســلام ابـ سلامـــــــا
من عـقبهــا مــا بقيـــاً غــير ذكراك =وأطفال مــن بعــدك اصغــارٍ يــتامــا
ويالله عسى لفقدك يعظم اجر ولداك= ويجبـر عـزاء نفوسٍ لفقدك احيامـا
والله مــايـفيـد الـبكـاء لــــــو نعيناك= طـريق ممشي يـا عساها الرحـامــا

مع تحيات اخوكم أبن مرهوف

قصيده رائعه
الله يرحم ذيب
واموات المسلمين

اللهم امين يا الوتيش
واشكرك على مرورك الرائع

الله يرحم الشيخ ذيب بن راضي العزيزي

وبيض الله وجهك ياابن مرهوف على نقلها وتدوينها في منتدى ربعك

واستأذنك بالتنسيق

قصيدة رائعه اخي ابن مرهوف
الله يعطيك العافيه ويرحم اموات المسلمين جميعا

يعطيك العافية اخي ابن مرهوف ورحمة الله على ذيب بن راضي

الله يعطيكم العافيه على المرور الاكثر من رائع
ويعطيك الله العافيه ياعـــــاشـــــق هــــــبـاء على التنسيق واتعبناك معنا لكن تحلمنا شوي هذا اول منتدى اشارك فيه
ولا هانوا الاخوان
اخــــــوكــــــم / ابن مـــــرهوف

الله يرحم الشيخ ذيب بن راضي العزيزي

وبيض الله وجهك ياابن مرهوف على نقلها وتدوينها في منتدى ربعك

وحنا في خدمتك أخوي ابن مرهوف

فلا تحرمنا من قصاائد والدك والمحل محلك

وأي خدمة حنا في خدمتك

قصيدة رااائعه من شاعر معروف ورااائع ونشكركـ يابن مرهوف على الطرح المميز ماننحرم منك ومن ابداعك.. ولاتحرمنا من قصائد الشاعر الكبير / سليمان الرهيف ..
وصح الله لسان شاعرها وتسلم يمين ناقلهاااا والله يرحم امواات المسلمين ...
تقبل مروري ..

نــواف بن صعير
اشكرك على مرورك الرائع




تحياتي



ابن مرهوف