اتمنى نقدكم وارائكم في اول قصيده لي

المشاركة الأصلية كتبت بواسطة غريب الحجاز

هذه أول قصيده لي واتمنى انتقادكم وارائكم اما مشروع شاعر والا اخذها من اولها واديور

عيني من كثر السهر صابها انعاس=ولن جيت ابرقد يطري اللي في بالي
لامن ذكرته دق بالصدر هوجاس=وسجيتها ياخال والصوت عالي
حبه تملكني من الساس لرأس=حبً عفيف منزه من الزلالي
والقلب أصبح مثل نجرٍ ومحماس=بيدين شغمومٍ كريم السبالي
أنا اشهد انه غير عن ساير الناس=أدعج عنج فيه الحلا والدلالي

غريب الحجاز

غريب الحجاز

قصيدتك جزله وامتازت بالترابط بين الابيات
والحبكه الشعريه هذه لايجيدها الا شاعر متمكن
ولا اعتقد انها اول قصيده لك
انا اعجبني طلبك للنقد واهتمامك براي الاخرين
البيت الاول:
عيني من كثر السهر صابها انعاس= ناقصك حرف واحد في الوزن لو قلت (العين)
تجاوزت هذه الملاحظه البسيطه

البيت الرابع:
والقلب أصبح مثل نجرٍ ومحماس = الدارج او مااعتاد عليه الناس بن بمحماس استشهادك
بالنجر والمحماس فيه غرابه قد يكون اضاف على النص شئ من التميز

عموما ابدعت ياغريب الحجاز ولا غريب الا الشيطان
صح لسانك وبالتوفيق ان شاء الله
تقبل مروري