|| من صعب وصلكـ / ما تهنيتكـ [ احلام ] .. لا جابتكـ فزيت شوق ومحيتكـ ..

عقبال ياماخذ فؤادي مية عام ..
.. ضيعتني منك وانا ما اهتديتك


لا ..ما نسيتك كيف بانساك ما دام ..
.. ذكرى الفراق تهزني لو نسيتك


حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك


ولك منزل في نايف القلب وخيام ..
.. وذود الغلا ترعاه ولا شكيتك


يفطر عليك القلب وان فارقك صام ..
.. والله لو انك شوك سدره كليتك


القلب طيرٍ لادعي للهوى حام ..
.. والا انت وكره من كثر ماهويتك


كن العيون من النظر عقبك ايتام ..
.. وكني ماريت الا انت من يوم ريتك


وكنك معي وانا فقدتك من اعوام ..
.. مع الخيال القاك كني لقيتك


من صعب وصلك ما تهنيتك احلام ..
.. لا جابتك فزيت شوق ومحيتك


يعني وصالك صعب واهدافي اوهام ..
.. يعني زرعتك للقدر ماجنيتك


صبرك يقولون العرب كل الايام ..
.. يوم عليك ويوم لاجاك جيتك


ويا قلب ياللي ورثك اجروح وآلام ..
.. بليتني ماهو بـ انا اللي بليتك


ولعتني من عادني في الهوى خام ..
.. واسرفت بي وانا خطامك عطيتك


طعتك وزبدة طاعتك هم وهيام ..
.. مالله كتب لي واستخرت وعصيتك


لو للقلوب اسواق بايع وسوام ..
.. لا ابدلك وان جيتني ماشريتك


والا انت ياللي جيش عينيك مقدام ..
.. لا اقنعت منك والرجا مارجيتك


كني سجين بين..افراج ..واعدام ..
.. وكنك سجن وانا بنفسي بنيتك


تنبيك عن حالي محاصيل الالهام ..
.. وتخبرك نظراتي نهار التقيتك


عقب الوصال اللي على عين من لام ..
.. قده و يكفيني عن الوصل صيتك


وقدني الى مريت بالشارع العام ..
.. لديت من ما في الضمير ودعيتك


ادري ان صوتي ماقطع عشرة اقدام ..
.. وادري بي اعود الى من نصيتك


ياشينها يامحنيٍ راس الابهام ..
.. ماقدر على شوفك وانا عند بيتك


الاعمار ما تضمن وانا اخاف الاحكام ..
.. ارثيك خاف اودعك ما رثيتك..

[[ياابن فطيس تستاهل وسام الإبداع ]]





رآقت لــي آتمنــى آن تروق لكُـم </I>

قصيده رائعه اخي عاشق هبا

وابن فطيس مبدع دائما

والله اللي يستاهل وسام الابداع انت اخي عاشق هبا

اختيارات جميله وذوق رفيع الله يعطيك العافيه

فجر

ابن فطيس مبدع شعر وعاشق هبا ابداعه لنا جعلك تسلم

الله عليك أخي عاشق هبا,

مارميت الخيال الا على ابن فطيس وهذه الخلقية الموسيقية

جدا أبداع أبن فطيس و وهذا مايسمى في الأدب السهل الممتنع

يجيب معاني يقول الواحد وين كانت غايبه عني ,

والله يحفظ الجميع

كني سجين بين..افراج ..واعدام ..
.. وكنك سجن وانا بنفسي بنيتك

ابن فطيس خااانة صعبة

مبدع ياعااااشق هباااء الله يسامحك وين جيتني

كني سجين بين..افراج ..واعدام ..
.. وكنك سجن وانا بنفسي بنيتك

يعطيك العافيه ياعاشق هباء
وابن فطيس دايم مبدع

المشاركة الأصلية كتبت بواسطة العزيزي المغترب

قصيده رائعه اخي عاشق هبا

وابن فطيس مبدع دائما

أشكرك على المرور والروعه طلتك

المشاركة الأصلية كتبت بواسطة فجر

والله اللي يستاهل وسام الابداع انت اخي عاشق هبا

اختيارات جميله وذوق رفيع الله يعطيك العافيه

فجر

شكر لك على المرور والله لايحرمنا شوفتك

المشاركة الأصلية كتبت بواسطة فيصل العزيزي

ابن فطيس مبدع شعر وعاشق هبا ابداعه لنا جعلك تسلم

أنا كلي لكم يافيصل العزيزي الله يعافيك يابعد روحي أنت