هنا المحاوره الأسبوعيه لـ يوم الأحد الموافق 18/1/1429.. الرجاء الدخول

لاتوصي رجال يحتمون التوالي= يسري الذيب والرماي اكيوع ورمه
الجمل عارف الديره وكل المفالي= علم اللي يفك العلم واللي يخمه

اخوي الواصل صح بدنك

وجميل هذا الرد من شاعرنا سفير المهد

اللة يسعدكم

نعم ياهل الشجاعه من قديم (ن) وتالي=ياحزام الدريك اللي غرق وسط جمه
انصتو ثم خافو من عظيم الجلالي=والمخافه من اللة دين وابراي ذمه

ماعلى اهل المعرفه زود والراس عالي=واجتهد ياوسيع العرف واطو المعمه
احتزم دون حالك واحتزم دون حالي=والخطا لن حصل رب الخلايق يدمه

الرشا مايجنب عن ظهور المحالي=حط علمي بقلبك والمحاني تظمه
افهم العلم لايظهر من المخ خالي=القضيه تبي شيخ(ن) كتابه يصمه

صار علمك ياحامد مثل روحي تعالي=كلما اعطيك علم الياك ماانته بيمه
لايزيد الكلام ولايطول الجدالي=قبل لاالداب ياحامد يذوقك سمه

اخووي حامد صح الله لسانك مبدع بماتعنيه الكلمه

وتصبح على خير الساعه وحده وبكره ورانا دوام ولنا لقاء اخر ان شاء الله

لاتحط القدم من فوق جرف (ن) هيالي=وانت حراُ يروم العز في كل قمه
هيه يا شاعر القلطه وذيب العيالي=اشهد انك من الشعار واللة يتمه