جواهر الكلام

الدهر يومه بسمتن وخداعي =ولاخاب رجلن في زمانه ساعي
لاخاب ظنك في زمانك ساعه=ارقب لـيومن بـكرته بـشعـــاعي
ولا كل يـومن بالسعاده دايـم = ولاكــل حـزنً دايـمً لــواعي
يومً عليك ويوم مكفي همه = ويومً كــفاك الله ضــيمه شـاعي
الدهر شينه خـبرةً للـعارف =ومــن كل دقـه من فـعوله يـاعّي
يـلوم نفسه مايـلوم ايـامه = ولاهـو بـعقله للـهوى تبّـاعي
والدهر شـينه نـكبةً للمـبلي = اللـي بـلاه الله بـعقل صنـاعي
الناس ترقى وهو يجيك مدحدر=يبلش بروحـه مالـقى مطلاعي
وياسمعً قولي وشاف الحاله= هاك الكلام اللي يدوج أضلاعي
لاعاد تبكي من صروف الدنيا = هلّ الدموع لمـستجيب الداعي
وارضى برزقك يستر الله حالك=النعمه اللي من رفسها ضاعي
ولاتـحسبنّي من كلامـي عالم =حاولت أعـدّل فالزمان أطبـاعي
ولاني على قولة كـلامي مبـهر= ولانـي بـعقلي منبهر ببـداعي
قلت أتـجبر من كـلام أقـوله = وأجـيب شـعراً لازهمته طـاعي

نـايـف الطلاحبي

صح لسانك ياخوي نايف
وصراحه قصايدك كلها جميله ومعبره
تقبل مروري

ابداع اخي نايف

تسلم على القصيدة الرائعه والجميله

الله يعطيك العافية

صح لسانك ياشاعرنا نايف الطلاحبي

وقصيده جميله ولاتحرمنا من جديدك
وأسئذنك بتنسيق القصيده

اشكركم على الردود ويشرفني متابعتكم للموضوع تقبلوا تحياتي

أخي نايف
صح لسانك واعتلا شانك
سلم بوحك الذي اتحفنا بهذه النادرة
نعم نادرة وفريدة من الفرايد التي قل مانجدها دائما
أكرر أعجابي بهذه المترفه فحقا أنت مبهر ومبدع
تقبل مروري المتواضع وسجل اعجابي
دمت بخير

صح لسانك أخوي نايف والله يعطيك العافية

وتقبل مروري

بيض الله وجهك ماقصرت