آلاد وايل يوم الليالي طويله

السلام عليكم ورحمة الله وبركاته
في البدايه أقول كل عام وانتم بخير لكل فرد من القبيله العزيزه على قلوبنا
وأسمحوا لي بهذى الأبيات وانا ماني بشاعر لكن لبغيتها جات
وهي لها مناسبه : كنت في جلسه مع أصدقاء أعزاء على قلبي وصار بيني وبين واحد تحدي وكسبت التحدي ومع زعل قال كلام غير مباشر أزعلني وكادت تصل الأمور لما لا يحمد عقباه
الرجل أستدرك خطاها واعتذر عذر وافي وقبلت عذره وكلن حشم رفيقه ولاهو بعيب الرجل يخطي ويرجع عن خطاها ولاهو بعيب الرجل يقبل العذر الوافي من رجل عزيز عليه بينه وبينه مواقف وعلوم طيبه
وهي في البدايه والنهايه فخر بقبيلتي ورساله فهمها من فهم وجهلها من جهل
اليكم الأبيات والعذر في القصور.

أخوكم / محمد بن حمود أبن مشعان]

خط¸â‚¬ياقلم  واكتب  حروفن   يسيراتوسلم    على    عزوتي    أهل     الصقيله

يوم    ناصل    ونارد    ونجيب    الطويلاتآلاد      وايل      يوم      اللياليط¸â‚¬ويله

ربعي    مقامهم    عندي    في    النايفاتتروح         روحي         لهم         وسيله

جات     زله      وحنا      ندمح      الزلاتمن    رفيقن    غالي    ما    ندور     بديله

ماشتقابها القلب والخطوط¸â‚¬العريضاتولاخير   في   رفيقن   ما   يحفظ   الجليله

هيهات      ياصاحبي      هيهات       هيهاتحنا    اللي    تبرد    عنه    ألمار    إنشيله

اخذناها  يوم  السيف   وضرب   الصقيلاتما     حسبنا      حساب      لبعد      قبيله

من    دون     ربعنا     عدينا     الشريفاتوردينا       الصاحيه       وردينا       العليله

ماهو  زودن   عليهم   فلي   مضى   وفاتلكن   نقطه    من    سيل    هدام    سيله

أفتخر      بربعي       وأرهي       بالطيباتمن     قوم     واحد      يساوي      سليله

وترى   مايسد    النحور    غير    الجزيلاتآلاد     وايل      أهلها      واهل      الجزيله

فازو      بها      رضا       ولا       غصيباتيوم       كلن       يباها       يمه       حليله

يقوله    ابن    مشعان    شيال    الثقيلاتحزامك    يوم    حمل    الحمول     الثقيله

تاريخه       أول       العلوم       الشهيراتأبن     صعير     لصك     البحر      يرتكيله

واضحه     ياصاحبي      ماتبي      علاماتكم      شيخ      قومن      ورانا       ذليله

مع     حكام     نجد     أخذناها      وافياتيوم         غيرنا         تراعد         رياجيله

لطيبه       مشينا       أفواج       وسرياتلين        فتحنا        أسوارها        الذهيله

وختامها      صلاه       وسلام       وتحياتعلى         محمد         نافي         الرذيله

اخوي محمد بن حمود ال مشعان

تم تنسيق القصيده

اخي العذر عند الخطاء من شيم الرجال والتسامح من شيم الكرام وانت كريم وصديقك يستاهل لانه بداء اعتذاره واسفه على مابدر منه

قصيده رائعه ولاهي غريبه على حفيد مشعان الوقفه والحميه

صح لسانك مدد بلاعدد على القصيده الجزله وجزاء الله الموقف خير الذي جعلنا نطلع على موهبتك الشعريه

تقبل مروري المتواضع

ياهلا وغلا بالطريس
مشكور على التنسيق وقبله على الحضور العزيز على قلبي من معزتك
وماعليك زود ولا على ربعي وحميتنا لمن يستاهل قبيله وافراد
من معزتك ومعزت ربعي يضيع الكلام وتبقى المشاعر
والف شكر لك أخي

صح لسانك يابن مشعان الصعيري
ولاهنت
قصيده حسيه ورجوليه وبها اشاده لك ولرفيقك
والاعتذار ماهو عيب ولا حرام


ملاحظه ادبيه شعريه نبطيه :..
قصيده جميله لكن في ملاحظات على بعض الابيات ...بعضها على بحر والبعض الاخر على بحر اخر ..كمافي البيتين :..

خط ياقلم واكتب حروفـن يسيـرات ×× وسلم على عزوتـي أهـل الصقيلـه
وهنا :..
يقوله ابن مشعـان شيـال الثقيـلات ××حزامك يوم حمـل الحمـول الثقيلـه



واذا رائي وملاحظتي خاطئه فنكم نتعلم ونستفيد ..احبتي الكرام

وهذا لايخلف للود قضيه دام منبعها الاحساس ...


وشكرا لك
وحبذا لو نشوف تواجدك المبهج دائما
فانت مكسب هنا ولك وجاهه ورونق خاص جدا

صح لسانك وقصيده جزله ويستاهلون القبيله ورجالاتها اكثر

صح لسانك اخي محمد

قصيده جميله ورائعه

تقبل مروري البسيط

الله يحيك ياابن مشعان من عقب الغيبه الطويله

ونص لايكتبه إلا شاعر متمكن وشهادتي في شاعريتك مجروحه

انت أكثر من شاعر . . أعجبني حرفك وطرحك وفكرك وشعورك

ودمح الزله من عادة الكرماء والشجعان وانت مدحت قبيلة تستاهل المدح
وصح لسانك وإحسااسك يا مُبدع

البحار صح بدنك وشكرا جزيلا على مرورك المبهج وكلامك يسعد الخاطر
وارحب بنقدك والشعار ابخص هي رساله صغتها بشاعريه رغم اني لست ماهر بالشعر
وشرف لي ان اكون متواجد بينكم بين الأهل والأحبه وكنت عضو سابق لكن فقدت المعرف وكلمة المرور ومازلت متابع وداعم للمنتدى
وجاهنا واسمنا وفعلنا للقبيله قبل أن يكون لنا وحاضرين باللي تبون ونحن روح وجسد واحد
والف شكر لك ودمت بخير

هلا وغلا
اسفرت وانورت
واستهلت وامطرت
ومنور المنتدى بوجودك يا بن مشعااان

وقصيدة جزلة من شاعر جزل
وابيض وجه يا ابوسعود
في مدح ربعك والتفاخر بهم وهم يستاهلون
ولا هي غريبه عنك يا بن مشعان
تـاريـخــه أول الـعــلــوم الـشـهـيــرات أبــن صعـيـر لـصـك الـبـحـر يرتكـيـلـه
وطالبك يا ابوسعود انك ماتبخل على المنتدى بقصائدك الرائعة يا ابوسعود
وتقبل مروري

صح بدنك دكتور وتستاهل الطيب
وشكرا جزيلا على مرورك