ديوان عبدالله بن هلال ابن صعير العزيزي

يدحر الظالم وتسلم ياوطنا

كل ذره من تراب ارضك ثمينه


في القلوب وعن حدودك ماغفنا

نام وسط عيوننا بأمن وسكينه


وياجبل دخان لا يلحقك ظنا

كلنا من دونك دورع ــن حصينه


من نواك بشر والله ماتهنا

ولا يفكه من على فعله يعينه


اخس يالحوثي ياليته ماتعنى

وش يدور غير خذلان وغبينه


المعارك كيفنا والنصر لنا

شب نار الحرب وتعود رهينه


ماتمثل شامنا والا يمنا

ولاتبعت المصطفى خلقه ودينه


كان جاهل فانشد التاريخ عنا

من كثر ماشاف منا مذهلينه


قبلك الطغيان ذاق الويل منا

لين ناشدنا العفو رافع يدينه


كم حريب ــن مشتهينا ماوصلنا

ترتخي يمنى العدو من شوف عينه


العلم خفاق وان متنا كفنا

في ذرى الله ثم رجال ــن محتمينه