ديوان عبدالله بن هلال ابن صعير العزيزي

عبــــدالله بن هــــــــــــــــــلال

شاعر يعشق العذوبه ويحب التجديد وصاحب صور شعريه جميله وافكار اجمل , شاعر
عندما تسمع قصائده يجبرك على الانصات والتمعن في قوة مفرداته وجزالتها.

يابو وائل
قصيدك كلّه صدق احساس ومشاعر ومن القلب لـ القلب على طول
شاعر رومانسي من الطراز الفاخر والفريد . من اجمل شعراء الرومانسيه. سيكون له مكانه مميزه بعون الله
شعر رومانسي لا يقاوم, وشاعر غير غير غير ،،


اترككم مع بعض أبياته لتستمتعوا بجمال ورقة حرفه وجزالته/:


وبعلمك باللي بعد كان يخفاك
غير اشتياقي لك وحسن النوايا
ان دق جوالي ولأقلت حياك
تراك موردني حياض المنايا


>> أي بالله موردني حياض المنايا :(


ــــــــــــــــــــــــــــــــــــــــــــــــ



ويابعد دارك لابغيتك علي بعيد
وبسافر لك ولاعاد لي بالسفر شده

ومن كثر كبتي للمشاعر علي تهديد
واقاوم وصابر بس صبري وصل حده

نقاوم زمنا ماوصلنا لشئ مفيد
نشد الحبل لا ارخا ونرخي ليا شده

تواعدني وتكد وعود الوصل تاكيد
وتفأجني ظروفك بهجمات مرتده

واعذرك واجدد لك وعود الغلا تجديد
اقول الزمن له وقفتن ضدي وضده


>>>
بعدين يجيب البيت اللي عن قصيده......


ياليت الزمان اللي وضع عن وصالك قيد
يحله ويعلن عتقنا عقب هالمده


>>> بالله وش تبون أكثر من هالشاعريه:(

ــــــــــــــــــــــــــــــــــــــــــــــــ

معذور من فارقك لو يفقد شعوره
تعذرني الناس والا شمتو فيني

قادر على جبر قلب ــن كثرت عثوره
ويسامحك ويعفو عني ويشفيني


>> شاعر

ــــــــــــــــــــــــــــــــــــــــــــــــ


يابوك انا ماعاد اشوف الدركسون
قمــــت اقـطــع الشــارع يمين وشمالي
لكــــن خـــذ المفتاح واخذ التلفون
وخــــــذ غترتي واحذف عليها عقالي
ثم قـوم روح العب وشوف التلفزون
واليـــا تعبــت ارقــــــد ومالك ومالي
كانك تسلى لك عـلـى فـلم كــرتون
انا وش يشتــــــت همــــومن ببــالي
على اتصال من امس واقول تكفون
وش صــــــار ثم ارجع واعيد اتصالي
مالي جـــدى غـــــير اتصال التلفون
وارفع يدي وادعي عــزيـــز الجـــلالي




>> دام وائل حي .. لاتنشد عن أحد ..




ــــــــــــــــــــــــــــــــــــــــــــــــ

ومشكور يالبحار ،، انت مبدع


فجر