يا احمد ترى سود الليالي كوتني

ابيات اضعها بين يديكم لعلها تحوز على اعجابكم وهي موجهه لبني احمد

ياأحمد ترى سود الليالـي كوتنـي=كي الدلال المنحـرات المباهيـر
على غضاء جمرن وفي كل حتني=تدف فوق الجمر من غيـر تدبيـر
ضحك علي الي بكذبـه شمتنـي=يقول نايف صايرن منـه تقصيـر
والهرجه الي في قفاي اوجعتنـي=في الكبد تؤلم مثل دق المساميـر
لو انها مـن جاهلـن ماشحنتنـي=لاكنها جت من كبـار ومشاهيـر
اكـلاب تنبـح بـس ماخوفتنـي=اكبها تنبـح وانـا عابـر السيـر
وانـا زبـون الكايـده ماتعبتنـي=يامـا فزعنـا للقرابـات والغيـر
ونصا المراجل والمراجل نصتني=ذي عادتي يابوك من يوم انا صغير
والحمل شلتـه يالحليـوي بمتنـي=يوم ان تعـذر كانزيـن الدنانيـر

والنعم بك ياابو احمد

وصح لسانك على القصيده الجزله

قصيده مايكتبها الا الكبار وانت شاعر جزل

صح لسانك حتى ترضى

الطريس

صح ابدنك ولاعليك زود واشكرك على هذه الاشاده

صح لسان يابو احمد واعتلا شانك عند ربك
واصلح لك الله حمودك ابي ادلعه لك دام انك تغليه وتحاكيه في قصيدك

ونصا المراجل والمراجل نصتنـي .........ذي عادتي يابوك من يوم انا صغير

كفووو ياناايف كفووو

الله عليك يا نايف

صح الله لسانك

قصيده رائعه وجميله سلمت اناملك

الحب حاكمني

صح ابدنك ولا عليك زود وامل ان جميع مانقدم يكون عند حسن الذائقه

العزيزي المغترب

صح ابدنك ومرورك شرف لي ولقصيدتي وامل ان جميع مانقدم يكون له صدا الفائده

أكلاب تنبح بس ماخوفتني=أكبها تنبح وأنا عابر السير

اللة يعطيكـ العافية على الأبيات الرائعه وصح لسانكـ
وعسا أحمد مايخلف الهقوة والله يصلحه

ابو محمد
مرورك شرف لي والله يعطيك العافيه ولا عليك زود

صح لسانك يا ابو احمد



وكفو يا زبون الكايده



سمو القاف