0"اُكـتـب بـيـت شـعـر يعـبــر عــن حــالــتـــك"0

يغنيك عن كثر الحكي مجمل أبيات=ومن ياخذ المضمون يلقى الأدله
تدري وش الي يقتل الحب بسكات=لاصرت في بوحك تحس بمذله
وتدري وش الي يكسر الظهر حزات=لامن عطيت أحساس ماهو محله
وتدري متى يستاهل الطعن مرات=لامن خطيت الدرب وأنته تدله
لاتتبع المقفي على كل حالات=بعض الوجيه الي تقابلك عله
ولاتسأل الغالي عن الجرح لافات=نبش الحكي يزود الطين بله
طالع فمن حولك وتاخذ شهادات=مانلتها لوتدرس الدهر كله
ناسً تجر من أسود الضيق ونات=وناسً تقضيها وناسة وفله
هذاك شال هموم غيرة ولا بات=وهذاك مايدري عن أحساس خله
أحدن يهين أصله على كل زلات=وأحدن ترومه شيمته ماتزله
لاتقول حظي من عنا الوقت قد مات=قل مات حظ اللي عناه أستحله
ولاضاقت الدنيا وعلى الكيف ماجات=أطلق حجاجك ثم توكل على الله

أرى أن كل بيت من هذه القصيدة يعبر عن الحال